a friend of mine gave me a tip kung saan posibleng makabili (sa local market) nung item na gusto ni Crush..
luckily, kasama dun yung brand name at product name nung item...
since that day, eh naging busy na ako sa pag-authenticate nung pinagbibiling item na yun..
tas idiniretsa ko na rin nga yun sa isang deal with an online seller...
please..
sana totoo 'tong Rastaclat - Snoop Lion (Rasta) na 'to... >,<
— feeling , gusto ko sanang ibigay sa'yo lahat ng gusto mo na makakaya ko namang ibigay, kaso - hindi ko alam kung paano tamang made-determine kung ano ang original at ano ang hindi...
---o0o---
March 10, 2014...
ay hindi nakatulog kagabi sa sobrang excited na makakuha ng Snoop Lion Rasta... T,T
— feeling , at sino na naman yang masuwerteng lalaki na you'd still choose, Ineng..? kakasakit ka ng damdamin...
---o0o---
March 11, 2014...
nakuha ko na rin yung Rastaclat bracelet na gusto ni Crush..
at ang totoo..
hindi ako satisfied...
bago yung mismong istorya..
naalala ko lang na parang katuparan 'to noong isang napanaginipan ko noong March 8 lang - na nakakuha nga daw ako ng kopya nung bracelet na gusto ng babaeng gusto ko..
at nakakatuwa yun para sa akin...
tapos salamat nga pala talaga ng malaki sa kaibigan ko..
kasi if not for him, eh hinding-hindi ko malalaman siguro yung label at name nung item na hinahanap ko...
back to the main topic..
so i had a lot of trouble sa pag-determine whether original yung mga Rastaclat na ibinibenta online dito sa loob ng bansa..
kinailangan kong pag-aralan yung: orientation nung triple Rasta rope, bilang ng chain link, orientation nung Snoop Lion signature & emblems, itsura nung end caps, detalye ng mga materyales na ginamit, klase ng locking mechanism, itsura nung etiketa, at itsura nung pouch..
merong mga kaparehas, merong naiba - pero halos lahat naman ng aspeto eh tumama sa mga detalye ng lahat ng existing versions nung bracelet na nakita ko...
ang hindi ko lang talaga ma-gets after kong i-inspect itong item is that hindi pulido yung metal part niya..
the gold doesn't look like gold (kung paano siya i-showcase sa mga sample images, na usually eh sadyang mas maganda naman kesa sa mass-produced replicas nila)..
it looks darker na parang medal lang sa school..
may konting mantsa-mantsa o spot-like discoloration dun sa gold plating, lalo na doon sa mga end caps..
meron pang parang tumigas na epoxy sa lock..
tapos may bukul-bukol sa gold plating (na i think normal naman based sa ilang reference photos na nabusisi ko)..
may electroplated-electroplated pang nalalaman..
basta, hindi siya pulido..
mukhang pang-hundreds lang yung itsura niya..
hindi pang-Php 1,350.. (and to think na ipinagpalit ko doon ang sana ay Asajj Ventress, o Jar Jar Binks, o Destroyer Droid with shield, o di kaya ay isang AAT para sa droid army ko - *palm face*)... T,T
hindi naman sa talagang o completely nanghihinayang ako..
hindi lang talaga ganun yung in-expect ko..
hindi ko tuloy malaman kung na-scam ba ako o ano eh..?
tapos eh ayaw pang mag-reply sa inquiry ko sa e-mail yung official website nila..
kumbaga, naghalu-halo sa akin yung pakiramdam eh..
na excited na maibigay yung gift ko kay Crush..
na parang naluge din sa expectation..
o di kaya ay posibleng naluge nang totoo (in terms of monetary value)..
na parang hyper at full of energy ako noong binubuo ko pa lang yung plano - pero biglang bumulusok paibaba at nawalan ng lakas nung makita ko na yung mismong item sa personal..
na nahihiya for what i'm about to do (hopefully by tomorrow)..
na takot na baka peke nga yung nabili ko dahilan para hindi yun ma-appreciate ni Crush..
o baka original naman nga yun, pero hindi pa rin siya maa-appreciate ni Crush dahil sa kondisyon o dating niya...
haaay..
no choice..
ibibigay ko na rin 'to at bahala na siyang mag-judge..
itapon na lang niya sa basurahan kung peke o pangit ang dating sa kanya..
sa ngayon eh tatapusin ko na yung kalakip nareng liham..
tas eh magpi-pictorial ng konti para sa documentation at para na rin sa bago kong gagawing album - ang Espasol Love-Project... T,T
— feeling , ano..? maganda pa rin bang ideya na sundin yung requested item mo...?
anyway, nagpadala na ako ng inquiry at sample photos doon sa official website ng Rastaclat..
at base naman sa findings nila eh mukhang authentic nga daw yung nakuha kong item..
well, i really hope that's the case...
---o0o---
March 12, 2014...
gabi na noong mai-spot-an ko siya eh..
nagpunta sila sa may tindahan sa looban siguro na kasama ang Stepmom niya..
tapos eh sinundan pa sila nung Half-Brother niya...
aabangan ko na sana sila sa may tapat ng bahay namin eh..
tapos eh saka ko ibibigay yung regalo ko para sa kanya pagdaan nila pabalik..
wala na akong pakialam kung kasama pa niya ang Stepmom at Half-Brother niya..
kaso nung kinuha ko na yung gift box mula sa higaan ko at dumaan na ako sa sala namin, eh nahuli ako nung biological demon sperm donor ko..
tumingin siya sa akin na para bang gusto niyang sabihin na 'huli ka! kanino mo ibibigay yan ha!?'..
kaya ayun at hindi na ako nakatuloy na lumabas sa pinto namin..
tapos nung sumenyas na yung aso nila na malapit na silang makabalik..
eh saktong uwi rin naman nareng biological demon brother ko...
tama na rin nga na w-in-ithdraw ko yung misyon..
kundi eh yari ako..
at ayun nga, i failed na ibigay sa kanya yung regalo ko the day after ko yung makuha... T,T
---o0o---
March 13, 2014...
by 9:03 eh lumabas na sila para sumamba ng Thursday..
suot niya yung favorite Samba dress niya, at isang sandals yata na may flowery topping...
naisip ko noon na 'kung hindi ngayon, eh kailan pa'..
kaya nag-decide ako na gamitin na yung oportunidad na yun para maibigay ko na sa kanya yung regalo ko..
binalak ko na abangan yung pag-uwi nila..
tapos eh kung sakaling siya yung maunang bumaba ng sasakyan at magbukas ng gate nila, eh ia-ambush ko na siya..
kahit na sa harapan pa ng buong pamilya niya..
basahin na lang kako nila yung sulat ko, in case na magduda sila sa intensyon ko...
by 11:13 eh nakabalik na nga sila..
nagbigay ng warning yung aso nila..
at pagsilip ko sa recon spot ko, eh si Half-Brother ang nakita kong nagbukas ng gate..
nalungkot ako, kasi naisip ko na mission failed na naman..
pero ilang saglit lang eh nakita kong bumaba na rin ng kanilang SUV si Crush..
tumungo siya doon sa labas ng maliit na gate na pinabahayan na nila sa aso nila, para siguro i-suppress yung kanilang alaga..
at sa puntong iyon eh nabuhayan ako...
kaagad kong kinuha yung regalo ko na pansamantala kong itinago sa may bintana, sa likod ng kurtina..
mabilis akong lumabas ng bahay at tumungo sa labas ng gate namin..
tapos eh tinawag ko na kaagad ang pangalan ni Crush, at medyo lumingon naman siya..
ewan ko ba kung ginusto niya akong dedmahin o kung na-conscious lang siya..
saktong isasara na kasi niya noon yung kalahati ng main gate nila eh..
at parang nag-focus na lang nga siya sa pag-aayos nung mga pang-sara at pampa-stable na metal bars..
habang hinihintay ko siyang pansinin akong muli, eh nahuli pa nga ako ni Half-Sister na naghihintay sa harapan ng garahe nila..
tapos nung malapit na ulit si Crush sa may bukas pang parte ng gate nila, eh saka ko inabot yung gift box sa kanya..
'ano daw yun?' ang tanong niya pagkaabot ko dun sa regalo, at ang nasabi ko na lang yata eh 'wala lang'..
pakiramdam ko kasi kailangan kong magmadali noon para mabawas-bawasan naman yung violations ko eh..
nag-thank you naman siya..
after that eh nagpaalam na rin kaagad ako sa kanya..
bahala na kako yung sulat ko na mag-explain sa kanya kung ano bang nangyayari..
ambilis ng tibok ng puso ko noong mga oras na iyon...
ilang beses ko pa siyang nakita noon..
pero ewan ko ba..
at ganun na nga nagtapos yung araw na yun...
---o0o---
March 15, 2014...
mukhang walang naging impact yung graduation gift ko ah..?
hindi katulad noong nakaraang Rose Incident last September 27..
mas maige pa nga yata kung anonymous na lang eh...?
no photos..
no thoughts..
ni hindi nga niya isinusuot eh...
haaay.....
mukhang nasira ko lang ang mga bagay-bagay ah..?
hindi niya yata na-appreciate na sa akin nanggaling yun..
baka nga masira na rin yung tingin niya pati doon sa flowers na natanggap niya last year eh..
i guess she doesn't really like me..
siguro 'wala' lang nga ako para sa kanya..
siguro nagkataon nga lang na nakasabay ko sa mga moves yung Luckiest Guy on Earth niya... T,T
---o0o---
upcoming storm...
recently bumalik na yung problema namin sa mga credit card..
dati kasi eh napag-desisyunan na namin na takasan na lang yung obligasyon ng biological mother ko doon, after na hindi sumunod yung international bank sa terms of payment na ini-offer nung isa nilang agent..
kaso, ang problema eh ini-refer na nung bangko sa isang law firm yung paniningil sa utang ng biological mother ko..
at ang additional problems eh alam nila yung home address namin, at pati mga contact numbers namin...
sobrang nakakaasar..
at sobrang unfair..
bago pa man makapag-retiro sa trabaho niya ang biological mother ko eh nag-request na siya doon sa pesteng bangko na yun ng pay lite option, dahil alam niyang mahihirapan na siyang magbayad nun kapag nawala na siya sa serbisyo..
pero anong ginawa ng mga lintik..?
pinabayaan lang nilang lumala yung sitwasyon ng biological mother ko..
naputulan na nga ng regular na suweldo yung tao, at eventually eh nawala na sa serbisyo..
at kasabay noon, eh nabaon na rin siya sa mga interes at penalties nung credit card niya...
oo, kasalanan niya na naghulog siya ng malaking halaga ng pera nang hindi man lamang gumagawa ng isang written agreement with that f***ing bank..
oo, kasalanan niya na nakikipag-deal siya over the phone nang hindi man lamang nagre-request ng isang written contract, at ni hindi man lamang kinukuha yung pangalan at contact information nung agent na kausap niya..
pero parte na yun ng kamang-mangan niya pagdating sa mundo ng finance eh..
at may kasalanan din doon yung pesteng bangko at ang mga field agents nila..
dahil basta lang nilang inio-offer sa mga empleyado yung mga maysa-demonyong credit card nila nang hindi man lamang nagbibigay ng mga detalyadong paliwanag..
more than the benefits of those f***ing cards, eh sana naman mas nagtutuon sila ng pagbibigay ng information regarding sa problema na maaaring kaharapin ng isang card user once na pumalya na siya sa pagbabayad ng utang nila..
dapat nga eh i-explain rin nila nang ayos kung paanong hindi nakabubuti ang pagbabayad lamang ng minimum amount due nung card eh...
halimbawa na lang eh sa isang bangko ng mga direksyon..
ilang buwan na kaming nagbabayad ng halaga na higit na mas malaki kumpara sa minimum amount due nun..
pero lumalabas na halos 50% nung ibinabayad namin monthly eh kinakain lang ng interes..
so paano na lang pala kung minimum amount due lang yung binabayaran namin..?
edi parang niloloko lang pala namin ang mga sarili namin nun..
at base sa evaluation ko, kung susundin namin yung current rate namin ng pagbabayad monthly - eh mado-doble namin yung halaga ng total amount due namin bago pa namin tuluyang mapatay yung credit card na yun..
so that means a 100% nang pagkalugi para sa amin..
kaya naman it's better to kill it ASAP with one blow, kesa daanin naman siya monthly at magtapon ng doble ng kailangang salapi...
bakit ko 'to sinasabi ngayon..?
at ano ang kinalaman nito sa love story ko..?
dahil sa pesteng kahirapan na yan!
at dahil sa pesteng mga mapagsamantalang bangko na yan!
eh nanganganib na masira na naman yung negosyo ng blood aunt ko na ipinagkatiwala sa akin..
halos kasisira nga lang nun sa mga tao dahil sa nakaraang eleksyon sa probinsiya ng biological mother ko eh..
tapos heto na naman ngayon ang isang nagbabalik na problema..
sobrang laki ng hinihinging halaga nung international bank..
at halos imposible para sa biological mother ko na mabayaran nga ang mga iyon..
kahit yung pera na galing sana sa dati niyang pinagtrabahuhan eh parang iniin-in rin muna ng pagkakataon, para maparusahan kami..
pero ayun, at basta-basta na naman pumirma sa isang written agreement with the law firm this time..
so basically, wala na siyang kawala once na pumalpak siya sa pagbabayad niya sa pagkakataon na 'to..
nang dahil sa pirma niya, eh maaari na siyang makulong..
ayoko namang mangyari yun, kaya ayun at halos ipahiram ko na sa kanya lahat ng pera ng negosyo ng blood aunt ko..
halos Php 30,000 na naman yung nawawala sa pondo nun..
at paunang bayad pa lang yun para doon sa 2 credit card ha...
hindi ko maintindihan..?
bakit noong biological demon sperm donor ko yung gumawa ng katangahan eh natulungan naman siya ng mga tao..?
eh ni hindi nga sa amin napunta yung mga perang ipinangutang at winaldas niya - kundi sa sugal lang eh..
ginawa daw nila iyon para maiwasang masira yung pangalan namin - ang pesteng apelyido namin..
para daw maiwasan ang iskandalo..
pero bakit ngayon..?
pagkakakulong na itong pinag-uusapan namin, pero parang wala lang sa kanila..
hindi ba mas malaking bahid iyon sa iniingatan nilang pangalan kapag nagkataon...?
ang mga posibleng maging resulta ng ginawa kong iyon..?
kawalan ng tiwala ng mga kliyente kapag wala na akong mailabas na pera..
paglipat ng mga kliyente namin sa ibang padalahan ng pera papunta doon sa probinsiya nila..
at eventually, ang muling pagbaba, or worse eh tuluyang pagkawala ng komisyon ko.. T,T
lahat ng ito ay nangyayari kung kailan ikinakasa ko na lahat ng buwis-buhay kong plano para sa babaeng nagpapatibok ng puso ko...
ngayon nyo sabihin sa akin, wala ba talaga akong karapatan na kamuhian ang sarili kong mga biological...?
i hate it sa tuwing pinapamukha sa akin ng kapalaran na wala akong karapatang maging masaya..
na sisirain niya lahat ng mga plano ko sa pinaka-kritikal nitong mga sandali..
na wala akong karapatang magmahal at mahalin..
hindi ko tuloy maiwasang isipin na baka nga wala talaga akong ibang patutunguhan kundi tiyak na kamatayan lang...
No comments:
Post a Comment