I Need A Soldier

heto po ang sountrack for the week:

credit for the music video goes to the original creator(s) and uploader...


hindi matatapos ang problema sa ilegal na droga hangga't hindi nalalaman kung sino ang protektor ng grupo nung pulis na Marcos..
dapat paaminin sila kung ano ang motibo nila sa pagpatay kay Mayor Espinosa, at kung sino ang nag-utos sa kanila..?
lalo na at naisangkot rin sila sa usapin tungkol sa illegal drugs..
hangga't protektado ang mga ganitong klase ng mga pulis - wala talagang mangyayari sa bansa...

---o0o---

update ulit (79 na)..
medyo in-organize ko rin yung mga kaso..
una (untikan ko nang makalimutan 'to), ang pagtataksil sa interes ng bansa at ng mga (ibang) mamamayan (lalo na yung mga naging biktima), at pagbalewala sa kasaysayan at dangal ng bansa:

• ang pagpapalibing sa bangkay ng isang Diktador sa isang makabuluhang national cemetery
• yung pagbibigay ng permiso sa isang Imperyalistang nasyon (na lantarang nang-aagaw at nang-aangkin ng mga teritoryo) ng kalayaan para mag-explore sa teritoryo na posibleng mapagkunan sana ng mahahalagang resources ng bansa
• yung kagustuhan na kontrolin kung sinu-sino ang mga mamumuno sa mga Barangay hanggang 2020

are yung ang involved o semi-involved eh mga identified talaga bilang awtoridad:

• yung mga lalaking itinumba kahit na naka-posas na sa likod
• yung 4 year old daw na bata na nadamay sa pagpatay ng mga pulis sa tatay niya
• yung army reservist na pumatay ng lalaking naka-bike matapos ang road rage at matapos nilang magsuntukan sa kalye, tapos may nadamay pang isang sibilyan sa pamamaril niya
• yung OFW na dinakip sa checkpoint at naging biktima ng torture at pagpatay
• yung mga taga-Quezon na hinuli sa parang raid, pero wala palang record ang mga pulis ng naging operasyon na yun laban sa kanila, at may natagpuan na lang na mga sunog na bangkay na pinaghihinalaan na sa mga taong yun na pinagdadakip nga
• yung kaso nung Australian, kung saan hindi nag-match yung statements ng mga arresting officers kumpara sa naging kuha ng CCTV, at may alegasyon pa ng tangkang pangingikil (this happened sometime before the current administration)
• yung kaso involving Makati Police, kung saan inaresto ang isang OFW gamit ang gawa-gawa lang naman DAW na dahilan, at tinakot DAW na gagawing related sa ilegal na droga kung hindi magbibigay ang pamilya niya ng Php 500,000
• yung kaso ng pagpatay sa Regional Chairperson ng Citizens Crime Watch sa Oriental Mindoro, kung saan Police Senior Inspector at Inspector (police awardee pa yung isa) yung nahuling mga suspect, at may mga kagamitan talaga sila na pang-riding-in-tandem
• yung Mayor sa Mindanao at ang mga kasama niya na hinihinalang pinatay sa rubout
• yung pagkamatay ni Mayor Espinosa; nakakulong na, hinainan daw ng search warrant kahit na madaling araw na, nawawala ang kuha ng CCTV, at nakapanlaban daw
• yung mabilis na pagre-reinstate dun sa Marcos (pulis ng Region 8 na sangkot sa kasalukuyang kaso/istorya ng mga Espinosa) at tila pagiging 'maluwag' ng mga kinauukulan sa iba pang pulis na involved
• yung patuloy na pagkampi sa mga pulis ng Region 8, matapos ang findings na murder nga DAW yung ginawa nila laban kay Mayor Espinosa, hindi pa man sila napaparusahan pero may nakapangako na kaagad na absolute pardon para sa kanila
• yung kidnapping ng isang civilian last October daw na nakunan ng CCTV, na ang sangkot ay mga pulis na hindi naka-uniform
• yung kaso sa Lemery, Batangas kung saan may claim na nauna (higit na mas maaga) daw hinuli yung mga drug suspects nang mga naka-civilian na pulis na wala namang dalang warrant, pero hapon na noong kuhanan ng mga pictures at inventory na may kasama ng mga ebidensiya laban sa kanila
• yung pagpatay ng isang pulis sa lalaking nanlaban DAW matapos mag-amok sa isang bangko sa Laguna na nakunan naman ng CCTV camera  
• yung pamamaril ng isang lasing na pulis sa Misamis Oriental na ikinasugat ng 4 na katao 
• yung nakainom na pulis sa Negros Occidental na namaril din at nakapatay
• yung ginawang pananampal at panggugulpi ng isang sundalo sa isang bar sa Isabela, supposedly eh naka-duty daw siya, at nanggulo DAW doon dahil gusto ng nude dance/show
• sa Sorsogon, yung pangho-holdap ng isang sundalo sa isang remittance center, na supposedly eh naka-duty rin siya during that time
• yung pulis na nambugbog ng makulit na matandang lasing, at inilagay pa niya sa paso ang batas 
• sa Negros Oriental, yung pulis na nakunan ng video habang pinatapat ang tenga ng isang sibilyan sa muffler habang pinapaandar yung motorsiklo
• yung pulis sa Sta. Mesa na namaril ng sibilyan na binu-bully DAW nito parati at sinaktan pa bago yung insidente, matapos na rumesbak yung biktima na may dalang bato at itak
• yung buy-bust operation DAW sa Caloocan, na ginawa ng mga naka-sibilyan na naka-hood at mga naka-maskara at hindi na mga pulis, na natunugan DAW, kung saan 2 magbiyenan na drug-related suspects ang napatay sa loob ng kanilang pamamahay
• yung napatay na 17 y/o sa Caloocan City na hindi naman target pero nadamay daw sa ginawang buy-bust operation, nakita daw siya na may baril kaya pinatay na
• yung pulis na namaril ng kapwa pulis sa Lipa City
• sa Pasay City, yung miyembro ng army na nakainom, nagwala, at nakipagbarilan pa sa mga pulis
• yung pulis na ng rape ng sibilyan sa Calamba City, na ginamit DAW yung pagka-pulis niya para kunwari ay magpapatulong lang dun sa biktima
• yung pulis na binaril yung menor de edad na isinasama lang DAW niya
• yung pulis Mandaluyong na aksidenteng nakabaril sa Nasugbu, Batangas dahil DAW ipinagmamalaki niya yung baril na na-issue sa kanya
• yung SAF na nambugbog ng traffic enforcer sa Bacolod matapos siyang masita na nagawa niyang traffic violation
• sa Dumaguete, yung 5 pulis (hindi naman naka-uniporme o naka-duty) na nambugbog DAW dahil sa isang basketball game
• yung nakunan ng CCTV na pulis (na naka-sibilyan) na nanggulpi ng lalaki na sinubukan na DAW humingi ng tulong sa mga pulis sa isang presinto ng QCPD, ikinulong pa nila yung lalaki at ipinaako DAW sa kanya lahat ng pagkakamali, at dahil yun sa away-trapiko pa rin
• sa Manila, yung naka-AWOL na pulis na nagpaputok daw ng baril at nakatama ng 2 menor de edad, at nanapak pa daw
• yung CCTV footage na ibinigay kay Senator Lacson, na nagpapakita kung paanong tinaniman ng mga pulis DAW ng ebidensya ang isang opisina, tapos ay saka ni-raid yung lugar
• yung na-hulidap na Korean, na nahingan na nga ng ransom yung pamilya, pero pinatay pa rin talaga yung biktima sa loob pa mismo ng kampo ng mga pulis
• yung mga South Korean na na-hulidap sa Pampanga, na nakunan ng CCTV, na hinuli gamit ang alibi na sangkot sila sa illegal online gambling, na ilang oras ikinulong sa police station at pinakawalan lang matapos magbigay ng pera
• yung nangyaring saksakan at patayan ng mga high profile inmates sa loob ng Bilibid kahit na pinataas na DAW yung seguridad doon at mga SAF pa ang nagbabantay
• yung panibagong kaso DAW ng VIP treatment para sa mga high profile inmates na lumabas sa balita nitong February 2017
• yung maramihang pagsibak sa mga pulis sa Parañaque dahil DAW sa mga kaso ng pangongotong
• sa Ilocos Norte, yung 2 pasaway na pulis, na naka-off na daw sa duty, pero nahuli namang nag-iinuman sa kanilang presinto
• ang patuloy at malaking bilang ng mga pulis na lumalabas na positibo sa paggamit ng ilegal na droga through drug test  (ang isa sa butas ng laban kontra sa ilegal na droga)
• sa Las Piñas, yung opisyales na pulis na related sa PNP Crime Laboratory na nahuling gumagamit ng ilegal na droga sa isang drug den
• yung 3 sundalo DAW na nahulihan ng mga drug paraphernalia sa Cebu City
• sa Catanduanes, yung nagbitiw na pulis na umamin na totoo DAW ang pagtatanim ng mga ebidensya at extrajudicial killings

are naman yung mga hindi pa malinaw kung anong klase nga ng mga tao ang involved o hindi tiyak o nabanggit kung sino ang nakatama:

• yung honor student na choir member na ginamitan ng karatula
• yung 5 year old daw na bata na nadamay sa tangkang pagpatay ng mga hindi kilalang tao sa lolo niya
• yung 5 year old na taga-Pasay na napatay habang natutulog dahil nadamay sa pagpatay sa tatay niya na siya daw target nung hindi nakilalang tao
• yung pagkamatay ng bagong binyag na bata (na tinamaan ng ligaw na bala) sa Bulacan dahil nadamay sa pagpatay sa kanyang ninong na involved DAW sa droga
• yung pagkadamay at pagkapatay sa isang manliligaw sa Quezon City dahil involved daw yung nililigawan niyang babae sa ilegal na droga
• yung kaso sa NCR kung saan nadamay at natamaan ng bala ang isang sibilyan dahil sa paghahabulan ng mga pulis at ng isang suspek
• yung 2 sibilyan sa Laguna na nagsisimbang-gabi lang sana, na nadamay (napatay yung batang babae) sa pamamaril  ng mga hindi pa nakikilalang mga suspek sa isang barangay tanod na related din daw sa ilegal na droga
• yung tila 2 grupo ng tao na napatay sa Caloocan City, na either drug related daw yung isang grupo kung kaya't nadamay sa tumbahan yung mga miyembro daw ng frat, o dulot ng frat war na ang nadamay naman eh yung ilang drug related personalities
• sa Caloocan, yung mag-live in partner na pinatay daw ng mga taong nagpakilala na mga pulis
• yung 14 y/o na dalagita na nadamay sa pamamaril ng mga taga-tumba sa target nilang drug-related personality daw, sa Caloocan yata yun
• sa Caloocan, yung 5 y/o na bata na nadaplisan ng bala dahil sa nangyaring tumbahan sa isang hinihinalang drug den, kung saan may mga napatay rin
• hindi ko nakuha yung lugar, pero yung kaso kung saan may 1 napatay at 6 na nadamay sa pamamaril daw sa isang dating nagbebenta ng shabu
• sa Tondo, yung 14 y/o na dalagita na natamaan sa mata at napatay ng ligaw na bala mula sa pamamaril ng riding-in-tandem, namaril DAW para takutin yung may pagkakautang sa kanila sa ilegal na droga eh
• sa Makati, yung mga lalaking naka-uniporme daw ng pang-pulis na nakuhanan ng video habang nananakit DAW ng isang babae, may tutukan pa DAW ng baril na nangyari
• yung Japanese na negosyante na mukhang planadong itinumba habang nasa bansa

heto naman yung mga may kinalaman sa kahinaan ng kasalukuyang penal system at pagpapatupad ng iba pang mga batas at patakaran sa bansa:

• sa Pasay, yung target ng buy-bust operation na nakapatay at nakasugat ng mga pulis, grupo sila eh, at yung main target daw ay marami ng record ng krimen pero talagang nakakalaya pa rin
• sa Siquijor, yung 2 babaeng estudyante na napatay sa pananaksak ng isang lalaki ng naka-droga at lasing din daw noon, according sa istorya ay may iba sana siyang papatayin dahil natakot siya na isuplong siya tungkol sa paggamit niya ng ilegal na droga, kaso ay ibang mga inosenteng tao yung napaglabasan niya ng kanyang kasamaan 
• regarding sa pag-determine ng edad na pasok sa criminal liability, yung pulis sa Dipolog na ginulpi ng mga kabataan at untik nang mapatay matapos niyang umawat lang sa rambulan ng mga ito
• sa Tondo, yung nakunan sa CCTV na rambulan ng mga kabataan sa gabi, kung saan makikita na nagpapaputok ng baril yung isa at nanuntok pa yung isa ng umaawat lang daw sa kanila, butas pa rin ito sa sistema ng pag-regulate sa mga baril at sa pag-determine ng edad kung kailan may pananagutan na ang mga mamamayan sa batas
• regarding sa batas trapiko, yung 2 lola na parehong namatay matapos mabangga ng humaharurot na tricycle habang tumatawid sila sa pedestrian lane
• dahil pa rin sa kawalan ng kontrol sa mga armas, sa Cavite, yung lalaki na hinuli at dinala sa isang motel at balak i-hulidap ng mga lalaking nagpanggap na miyembro ng PDEA at PNP
• yung lalaking binaril ng isang motorcycle rider na posibleng dahil lang DAW sa naharangan niya ito sa kalsada
• sa Dasmariñas, Cavite, yung ikinulong nang dahil sa sakla, na pinatay ng mga nakasama nitong preso habang nakaposas siya
• yung sikretong kulungan na nadiskubre ng CHR sa isang station ng MPD
• yung kagustuhan ng kasalukuyang DTI na ibigay na sa mga negosyante at/o mga kompanya ang kakayahan na i-regulate ang suggested retail price (SRP) para sa mga produkto nila
• yung pagkampi ng Supreme Court sa photobomber
• yung sapilitang pangunguha ng mga miyembro DAW ng Kadamay ng mga housing projects sa iba't ibang lugar, at ang pagkunsinti sa kanila ng gobyerno
• ang kakayahan ng mga miyembro ng mga teroristang grupo na mapakawalan o makatakas pa sa kamay ng batas

at may kaso na iba-iba ang kategorya:

• yung pagkamatay ng isang 9 year old na bata, na pinaghihinalaang pinatay ng mga menor de edad; na natagpuan yung bangkay na nakagapos ang mga kamay, na binugbog daw, pinutulan ng mga daliri, at may hiwa pa sa tiyan
• yung pagsu-suicide daw ng isang Director Villa ng ERC dahil sa katiwalian sa trabaho nila
• isama na rin yung pagkalat ng mga fake news at paid trolls sa social media
• yung Oplan Cyber Tokhang

---o0o---

April 23, 2017...

[Natural Calamities]

pang-6 na lindol na yun this April, at least sa bilang ko..
nasa magnitude 5 point something daw..
sa Surigao Del Sur naman this time...

ano nga kaya yun..?
nataon lang ba o may nagagalit na talaga dahil sa bastusan ng mga utos...?

menor de edad lang yata yung itinumba noong isang araw..
babae pa..
basta yung pinuno ng Hello Kitty yung burol...

was feeling , it can't be now...

---o0o---

April 24, 2017...

[Heroes]

sa Marikina..
yung lalaki na nagalit at namaril DAW dahil natalo siya doon sa sugalan na ginagawa sa isang burol..
kaya ayun napatay siya ng mga pulis sa naging enkuwentro nila...

drud-related din daw yung taong yun..
pero ang mas importante, eh mukhang totoong armado siya..
at malinis ang pagkapatay sa kanya...

yun lang naman ang importante dun eh..
basta may kakayahang makasakit ng mga inosenteng tao - dapat lang talaga na patayin na...

was feeling , hindi yung susugurin ninyo sa lugar kung saan wala nang laban yung tao, tapos eh sistema nyo rin naman yung may depekto...

>
lagot kayo ngayon..
mukhang sapilitan nang gagawa ng mga sundalo...

hindi ko lang masyadong maintindihan yung punto..
binigyan mo ang Imperyo ng karapatan na maggala sa loob ng teritoryo ng bansa..
tapos bigla ka ngayong hahanap ng reinforcement mula sa mga sibilyan...?

totoong responsibilidad naman yun ng mga mamamayan sa Inang Bayan..
pero mahirap makita yung paghuhugutan ng fighting spirit at moral kung kayo mismo sa puwesto ninyo eh parang ibinibenta nyo na yung mga teritoryo kapalit ng mga pautang...

at tsaka kagamitan yung mas importante kumpara sa tao..
kung may mga sundalo ka nga, tapos eh panay nasa pampang at lupa laang..
o di kaya eh nakasakay sa mga bulok na mga barko at eroplano..
eh malamang na tirahin lang sila ng mga missile ng kalaban..
malamang na hindi na nila kailanganin ng man-to-man na labanan..
sacrificial lambs na naman ang kauuwian niyan...

parang tanga na isasalang mo sila sa isang posibleng digmaan na wala naman silang kalaban-laban..
NPA nga at mga terorista eh hindi ninyo maubos-ubos..
tapos Imperyo pa ang paghahandaan ninyo...?

yung mga riding-in-tandem at mga gun-for-hire, sila ang isabak niyo dyan sa giyera...

at tsaka huwag mong masyadong husgahan ang mga foreigners puwerket racist ka..
inalala mo yung World War II, tapos eh kinalimutan mo rin naman kaagad yung mga nangyari noon..?
lumalaban rin ang mga yan, kahit na hindi para sa petrolyo...

was feeling , gumawa muna kayo ng mga Mobile Suit o Knightmare Frame at ikatutuwa ko pa na pagpapaslangin yang mga bastos na mga singkit na yan...

>
bad news ulit...

sa Tondo, Manila..
yung dalagita na tinamaan ng ligaw na bala na mula sa pamamaril ng riding-in-tandem..
medyo nakunan sa CCTV yung insidente eh...

14 y/o lang daw yung dalagita..
at sa mata pa daw tinamaan..
nagpaputok DAW yung mga kriminal bilang pananakot sa mga hindi nagbabayad sa kanila para sa ilegal na droga...

was feeling , ayun! i-recruit na ang mga yan sa Army, ang gagaling mamaril at hindi din nahuhuli eh...

---o0o---

April 25, 2017...

yung babaeng pulis, si Supt. Nobleza na may karelasyon DAW na terorista..
intel specialist pa naman daw yung pulis na yun..
ang lupet!
mala-Ang Probinsiyano ang level ng tiktikan...

sa ngayon hindi ko muna ito ika-classify sa mga kaso sa itaas..
halos iisang tao lang kasi yung nagsasalita tungkol dito, at kung makapagsalita sila eh parang alam na alam nila lahat ng totoong nangyari o nangyayari...

was feeling , kundangan kayong mga tanga, arestado na pala noon eh nakakawala o pinakakawalan nyo pa...

>
sa Tondo, Manila..
yung rambulan naman ng mga kabataan sa gabi..
may kuha pa ng CCTV eh..
meron pang may dala ng baril at nagpaputok..
at nanuntok pa yung isa ng sumisita lang daw sa kanila...

butas na naman 'to sa pagpapatupad ng mga batas..
ang kawalan ng kontrol sa mga mapaminsalang mga kabataan..
at kaluwagaan pa rin sa pagkontrol sa firearms...

ibaba na nga sa 5 y/o ang classification ng Menor de Edad...

was feeling , i-recruit na yang mga yan sa Army tutal eh mahihilig sa gulo at sakitan...

>
sa Dasmariñas, Cavite..
yung nahuli at ikinulong dahil sa sakla..
tapos ay napatay sa panggugulpi ng mga nakasama niyang mga preso, kahit na nakaposas naman daw siya doon sa kulungan..
medyo nakunan rin ng CCTV yung ginawang pangkukuyog sa kanya...

kesyo may nakasagutan daw na babae..
kesyo may hinipuan daw na babae...

pagkukulang na naman 'to sa sistema..

1. kung totoo yung mga akusasyon, eh bakit mo nga ba paghahaluin sa kulungan ang mga lalaki at babae kung saan makakaya nilang magkahipuan..?
2. bakit hindi nila binantayan nang maayos yung mga preso nila doon, para naawat sana nila noong oras nung gulo..?

nakakapagpakain kayo ng mga mahihirap daw..
nagsusustento kayo sa kahit na sinong ilista bilang mahirap..
samantalang hindi naman matitino pa ang iba ninyong mga facility..
kailangan nyo pa ring isipin na hindi rin naman pantay-pantay ang level o uri ng mga kriminal...

was feeling , isali na rin yun mga yun sa Army, mga mahihilig rin pumatay ng tao eh...

>
wala talagang dangal ang Judiciary..
kaya walang kuwenta na dalhin pa sa level nila yung mga kaso na higit pa sa logic ang totoong value eh..
bangkay ng Diktador..
essence ng isang national monument...

walang kabuluhan para sa Judiciary ang pagiging makabayan..
pilosopohan lang ang labanan..
kahit may nakalatag ng batas, magagawan at magagawan ng paraan na manipulahin dahil sa technicalities..
yung iba eh sa pera at impluwensiya pa namamanipula...

kaya mali na sila ang naging final authority pagdating sa mga importanteng bagay...

sa bagay..
hayae na nga na tayuan ng mga commercial backgrounds yang mga lugar na yan..
para mas masaya sila pagdating ng The Big One...

was feeling , ipadala na rin yang mga yan sa training para sa giyera, nang makabawas-bawas din naman sa mga pilosopo...

---o0o---

April 27, 2017...

malalaman mong sinungaling at mahilig lang magmanipula ang isang tao base sa mga sinasabi niya..
lalo na kung ginagawa rin nila yung mga bagay na sinisita na nila noon...

parang tanga lang na puros reklamo at mura siya kapag may international event noon..
kesyo abala lang daw ang mga yun para sa iba..
kesyo abala yun para sa kanya..
ipinagyayabang pa noon na sa ibang hindi congested na area niya na lang ipapadaos yung mga ganung klase ng event if ever...

tapos ngayon ay ganun din naman ang ginagawa nila...

kaya anong sense at naninita siya dati..?
para tuloy lumalabas na nagsasalita lang siya noon ng masasama para makasira sa ibang tao..
at para na rin makasira ng relihiyon...

was feeling , puros ka lang yabang at pakagat...

---o0o---

April 28, 2017...

pag-abuso na naman sa kapangyarihan...

yung sikretong kulungan na nadiskubre ng CHR sa isang station ng MPD..
nakatago sa likod ng isang cabinet yung daanan eh..
undocumented pa yata yung mahigit 10 katao na ikinulong doon..
at may alegasyon pa na ipinatutubos DAW sila kapalit ng pera...

was feeling , lihim...

---o0o---

April 29, 2017...

sa Catanduanes naman..
yung nagbitiw na pulis na umamin na totoo DAW ang pagtatanim ng mga ebidensya at extrajudicial killings..
may kinalaman daw sa paghahabol ng accomplishment eh...

is feeling , may video rin naman na naipakita na noon si Lacson eh...