[TV Series]
The Greatest Love
and now enters the final week...
ginigising na ni Peter si Gloria pero tinatamad itong bumangon..
sina Amanda at Lizelle na muna daw ulit ang bahala sa ina, dahil may boys night out muli ang kanilang Tatay..
naulit ni Amanda na nag-i-invite si Teacher Celeste ng magto-talk sa kanilang forum tungkol sa Alzheimer's..
sinabi naman ni Peter na si Amanda ang mas nababagay na magsalita doon, sasama na lang daw siya..
si Mommy Glo naman ay pinangakuan ng mga bata ng pagpasyal after ng class, pupunta daw sila sa kantahan at sayawan..
madali naman nang nakumbinsi ang pasyente dahil nai-relate niya ito sa Bayle...
sa forum..
buo na naman ang pamilya na um-attend (maliban kay Pareng Joma)..
kasama sina Mareng Lydia at Ate Melba..
si Mommy Glo ay naka-wheelchair na nga pala ulit..
at si Amanda nga ang nag-share para sa kanila..
hindi na daw tanda ni Mommy Glo ang kanilang mga pangalan..
ang tawag na nga lang daw nito kay Amanda ay si Malusog, at dumepensa pa ang panganay na malusog lang - hindi mataba..
mahirap daw para sa kanila na hindi na sila nakikilala ni Mommy Glo..
pero mas mahirap daw para mismo sa pasyente, dahil napapaligiran siya ng mga taong hindi na niya makilala..
totoo daw na minsan mararamdaman mo na lang na parang gusto mo nang sumuko..
but then mare-realize mo na paano mo ba naman susukuan ang taong mahal mo..?
ang pag-aalaga daw nila sa kanilang ina ay hindi obligasyon..
pero isang bagay yun na ginagawa nila out of love..
at yung bagay na yun ang natutunan nila mula sa kanilang Tatay, at ipinagpapasalamat nila ito sa kanya..
Lolo na lang pala ang tawag ni Gloria kay Peter...
matapos ang forum..
sinabi ni Peter na masaya siya na kasama niya ang kanyang pamilya, dahil naa-appreciate ng mga bata ang kanyang unconditional na pagmamahal sa kanila..
kung mamamatay man daw siya sa ngayon ay okay na sa kanya..
sinabi naman ni Amanda na kulang pa yung mga sinabi niya sa talk para lubos na mapasalamatan ang kanilang Tatay..
si Lizelle naman ay biglang nakaramdam ng pananakit ng tiyan, kaya idiniretso na nila ito sa delivery room...
nanganak na nga si Lizelle..
at biniro pa nila si Andrei tungkol sa pressure ng pagdadagdag ng mga apo..
Sunny daw ang magiging pangalan nung baby, dahil siya ang magiging pampaganda ng bawat araw nina Sandro at Lizelle..
nagbiro pa si Sandro na dapat nga daw ay Araw yung pangalan, kaso ay naalala niya na English spokening na nga pala siya..
ipinakita ni Lizelle kay Mommy Glo si Sunny, at sinabi nito na maganda yung bata, sana daw ay ganun din kaganda ang maging anak nila ni Peter..
kay Peter naman tuloy natuon ang biruan..
nagpaparinig daw si Mommy Glo na gusto pa nitong magkaanak..
eh paano nga daw yun, eh ayaw ngang patabihin si Peter sa kama lately..
maya-maya ay iniwan na rin nila ang bagong mag-anak, saglit namang nagpaiwan si Peter..
kumakalma daw siya sa tuwing nakikita niya si Sandro, dahil alam niya na aalagaan at hindi nito pababayaan sina Lizelle at ang kanyang bagong apo..
sinabi naman ni Sandro sa kanyang biyenan na sila nga ni Mommy Glo ang inspirasyon niya sa pagmamahal..
matapos yun ay iniwan na rin sila ni Peter...
sa bahay..
nagdidilig si Peter ng mga halaman habang binabantayan si Gloria..
naalala sa kanya ng babae yung batang Peter, kaya nagkuwento siya tungkol sa kabataan at pagmamahalan nila noon..
hanggang sa bigla na lang sinabi ni Gloria na "Salamat, Peter"..
dahil dun ay sobrang natuwa siya..
bakit daw, ang tanong ng pasyente..?
at sinabi nga niya na masaya lang siya na nakilala at tinawag siyang muli ng kanyang pinakamamahal na babae sa kanyang pangalan...
tapos nagsalu-salo sila sa hapag, dahil sa pagbisita sa kanila ni Sunny..
hinawakan ang baby ni Mommy Glo at napangiti siya...
after that ay nag-bonding pa ang pamilya..
karga ni Mommy Glo si Sunny habang nasa wheelchair siya..
malapit na pala ang opening ng retirement village na project nina Lizelle, kaya invited ang kanyang Tatay na magsalita doon..
nagbiro naman ang ama na dapat daw ay may libreng bahay para sa kanila ni Gloria..
sinabi naman ni Lizelle na business is business..
si Paeng naman ay busy na sa kanyang thesis..
si Andrei ulit ang in-charge para sa event nina Lizelle, pero this time daw ay dapat na magpabayad na siya - business is business nga daw..
at malapit na rin pala ang opening ng sariling salon ni Andrei..
hanggang sa nag-react na si Sunny, sinabi ni Mommy Glo na matutulog na ito..
matapos yun ay naisip nilang mag-picture-an kasama ang bagong miyembro ng kanilang pamilya...
was
feeling , hala, mamamatay si Peter..? puwera brownout this week...
---o0o---
April 18, 2017...
[TV Series]
The Greatest Love
itinakas ni Peter si Sunny para kargahin..
nilapitan sila ni Z, at nagkausap ang maglolo..
ang baby daw na yun ang kauna-unahang sanggol na nakarga ni Peter na halos kalalabas lang sa sinapupunan..
alam naman na daw ni Z yung istorya nila nina Gloria at Lizelle, at damulag na si Lizelle nang makilala niya ito..
tapos ay nagpahiwatig na naman siya tungkol sa kamatayan..
basta kung sakaling kunin na daw siya ay wala na siyang panghihinayangan...
kinagabihan..
naghahanda na si Peter para makatulog na sila ni Gloria..
nagkukuwento siya tungkol kay Z..
mabait daw na bata ito, at siguradong magiging mabuting pinsan ito kay Sunny..
masuwerte daw na bata si Sunny dahil sa mga tito't tita at pinsan niya..
tapos ay inihiga na nga ni Peter si Gloria, at nahiga na rin siya sa sahig..
pero biglang tinawag siya ng babae, Lolo daw, mahirap daw matulog sa sahig dahil matigas doon..
tumabi na daw ang lalaki sa kanya..
nasabi pa ni Gloria na mabait kasi si Peter sa mga matatanda, at natawa naman dun ang current na Peter..
nahiga na nga ang lalaki sa kama..
humarap sa kanya si Gloria, at sinabi na "si Peter mahal ko"..
naluha naman ang lalaki, at sinabi rin kay Gloria na mahal na mahal din siya ni Peter..
hinalikan niya ang babae, at saka diretsahang sinabi na "mahal na mahal kita"..
inabot ni Gloria ang kamay ni Lolo at hinawakan ito (yung parehas na kamay nila na may singsing), sabay ngiti sa lalaki..
hanggang sa nakatulog na nga ang mag-asawa...
umaga na..
naunang magising ang pasyente kesa kay Peter..
maputla na rin ang lalaki noon..
ginigising siya ni Gloria, pero wala..
nabanggit naman ni Ate Melba kay Paeng na mukhang tinanghali na nang gising yung 2 matanda..
bumangon nang mag-isa si Gloria..
saktong dating rin naman ni Lizelle para bumisita..
naulit ni Ate Melba sa 2 bata na dapat ay gisingin na nila si Mommy Glo, para hindi ito mahirapang matulog sa gabi..
kaya naman pinuntahan na ni Lizelle ang kanilang mga magulang..
nagulat siya nang makasalubong niyang nag-iisa si Mommy Glo..
bakit daw..?
at sinubukang sabihin ng pasyente na ayaw gumising ni Lolo..
hindi siya maintindihan ng anak, kaya sinamahan siya nito pabalik sa kuwarto..
matapos maiupo sa wheelchair ang kanyang ina, ay saka niya sinubukang gisingin ang kanyang Tatay..
pero wala talaga..
pinulsuhan na ito ni Lizelle, hanggang sa tumawag na siya ng tulong kina Paeng at Ate Melba..
sinubukan ring gisingin ng binata ang kanilang Tatay, at nagimbal na lang ang 3..
minabuti ni Paeng na ilabas na muna si Mommy Glo sa kuwarto na yun...
at nagpaalam na nga ang dakilang lalaki na si Peter..
hindi naman siya ang pinakamabuting tao, pero talagang binago siya ng pagmamahal..
sa libing ni Peter..
present si Mareng Lydia, ang kanilang mga Ninong at Ninang sa kasal, ang mga kaibigan nila mula sa San Ildefonso, at siyempre - si Pareng Joma..
si Lizelle talaga ang pinakaapektado sa pagkawala ng kanilang Tatay - ng kanyang Ama..
hanggang sa nagyaya na si Mommy Glo na umuwi...
ilang araw na ring matamlay si Mommy Glo..
halos bagsak na yung ulo niya sa pagkakayuko..
sinabi naman ni Amanda na magiging okay lang ang kanilang ina basta ituloy lang nilang magkakapatid yung paraan ng pag-aalaga dito ng kanilang yumaong Tatay..
sabay dating naman ng abugado ni Peter para ipagbigay alam sa pamilya ang ginawang paghahati nito ng mana..
una para kay Ate Melba; dahil nagpapasalamat siya sa lahat ng naging tulong nito sa kanilang 2 ni Gloria, kaya minabuti niya itong pamanahan ng bahay at sapat na pera para makapagtapos sa pag-aaral ang mga anak nito..
laking pasasalamat naman ni Ate Melba sa mag-asawa..
para kay Lizelle naman; nagpapasalamat siya sa anak dahil tinuruan siya nito na magpatawad at magmahal muli, ipinapamana niya dito ang 50% ng lahat ng kanyang mga naging properties, para na rin sa kinabukasan ng kanyang apo na si Sunny..
at para naman sa mga bagong anak niya na sina Amanda, Andrei, at Paeng (i believe menor de edad pa si Z kaya wala pa siyang mana); sa kanila naman iniwan ni Peter ang natitirang 50% na kanyang mga naging ari-arian..
pero higit pa daw sa mga materyal na bagay, ang maipamamana sa mga bata ng mag-asawa ay ang pusong walang galit at hindi makasarili..
napangiti naman si Gloria matapos basahin ang last will ng kanyang mahal na asawa...
sina Amanda, Andrei, at Paeng ang nagbabantay kay Mommy Glo..
nasa labas sila ng bahay, sa bakuran..
nasabi ni Andrei na baka matamlay ang kanilang ina dahil nararamdaman nito na may kulang..
nang biglang magsabi si Mommy Glo ng "uwi na tayo"..
si Lolo pala ang niyayaya niya noon, dahil nakikita niya ito na nagdidilig ng mga halaman..
hanggang sa parang nalungkot na ulit si Gloria...
sa hapag..
nasabi nina Paeng na mukhang nagha-hallucinate na ang kanilang Mama..
pero masaya na rin daw sa bagay na yun si Andrei, dahil nakikita pa ng ina ang kanilang Tatay, hindi bilang bahagi ng hallucination, pero dahil nasa puso at isip niya ito..
at napangiti na lang si Mommy Glo habang nakatingin sa puwesto ni Peter sa hapag..
pagkadating naman nina Lizelle..
nasita pa ni Mommy Glo ang anak, dahil umupo ito sa dating puwesto ng kanilang Tatay, doon daw si Peter...
after that..
sina Amanda naman at Lizelle naman ang nagkausap..
may sakit pala sa puso ang kanilang Tatay, pero hindi niya na rin ito ipinaalam pa sa mga bata..
at least daw ay masaya pang nagkasama ang kanilang Mama at Tatay bago nangyari yun..
pero sa ngayon daw ay kailangan nilang mag-focus sa kapakanan ng kanilang ina...
hindi maganda yung ending para kay Peter..
kasi nga ang dami rin niyang isinakripisyo para dun sa istorya..
hindi rin naman masasabing typical na lalaki siya, dahil nagkataon na mayaman siya sa later part ng istorya na 'to..
siguro may pagka-fantasy pa yung dating ng character niya, hindi madaling maabot ng mga ordinaryong tao na may kaparehong pinagdadaanan sa buhay..
even with the time skip, more than 2 years, eh parang hindi masasabi na nasulit niya yung panahon kasama ng bago niyang pamilya..
pero may sense yung ginawa nilang ending para sa istorya ni Peter..
hanggang sa huli, ipinakita nila yung mahirap na pantayan na pagmamahal nung lalaki..
yung inihanda niya ang lahat para sa kanyang mga maiiwan, kasama na rin ang mga itinuring na niyang mga anak at si Ate Melba na malaki ang naitulong sa kanila..
and it was a good death for him, dahil payapa na namatay si Peter sa gitna ng kanyang pagtulog...
was
feeling , kung ganung klase ang tatay ko - edi mabuting tao na sana ako, haha.. pero susunod naman si Mommy Glo...
---o0o---
April 19, 2017...
[TV Series]
The Greatest Love
sa bahay..
inilipat na nila ang higaan ni Mommy Glo sa sala para mas madali nila itong makita at mabantayan..
parang pang-ospital na higaan na yung gamit niya eh..
pagsapit ng gabi, ipinakita sa kanya ni Z yung kauna-unahang video na ni-record nila sa Bagong Ilog..
at napangiti naman nito si Mommy Glo..
natanong naman ng Tito Paeng ni Z kung sino ba kaya yung LOVE na tinutukoy ng kanilang ina doon sa video..?
noong una daw ay inakala ni Z na ang kanyang Lolo Andres yun, but then naisip niya na baka ang Daddy Lo niya ang tinutukoy ng kanyang Mommy La dahil ito ang greatest love niya..
nang biglang tinawag ng pasyente ang pangalan ni Z..
nasurpresa ang 2 ni Paeng dahil nakilala siya ng kanyang Lola..
lumapit na rin ang iba at tinanong si Mommy Glo kung nakikilala ba sila nito..?
at tumugon nga ang matanda na oo daw..
sinabi niya na mahal na mahal niya ang kanyang pamilya, at ibinilin na huwag silang mag-aaway-away..
nang biglang may nangyari kay Mommy Glo..
at itinawag na nila ito ng ambulansya...
sa ospital na lang sumunod si Mareng Lydia..
at yung lalaking doktor ni Mommy Glo ang nag-asikaso sa pasyente..
inatake daw ulit ng stroke ang matanda, at severe na yun this time..
mas malaki daw ang brain damage this time, kaya most likely ay maging bedbound na lang si Mommy Glo..
hindi naman daw na-coma ang pasyente, at hihintayin lang nila itong magising..
binibigyan na rin daw nila ito ng gamot para ma-control yung swelling ng utak nito...
sa munting chapel nung ospital..
nakita nina Amanda, Paeng at Lizelle na nagdadasal si Andrei, kaya niyaya na rin sila nito..
mas mahabang buhay pa ang panalangin ni Andrei para sa kanilang ina..
pero iba ang nasa isip ni Amanda..
kung kukunin na daw ng nasa itaas ang kanilang Mama, ay bigyan daw sana nito ng lakas ang kanilang pamilya para matanggap yung mangyayari..
ilayo daw sana nito si Mommy Glo mula sa pain, para hindi na ito mahirapan pa..
naniniwala daw sila na hindi naman pababayaan ng nasa itaas ang kanilang pamilya...
nagising na si Mommy Glo..
tinawag ni Mareng Lydia ang doktor..
at sina Amanda at Andrei na muna yung hinayaan nilang makapasok sa loob..
pinagsuot sila ng gown at mask bago lumapit sa kanilang Mama..
at tama nga daw yung unang evaluation nila, paralyzed na ang kanang bahagi ng katawan ng pasyente at hindi na rin ito ulit nakakapagsalita...
inilipat na ng silid si Mommy Glo, sa Room 506..
nabanggit ni Amanda na binigyan sila ng 2 options: ang panatilihin itong naka-confine o ang iuwi na ang pasyente to spend quality time with her..
at sinabi nga ni Amanda na mas gusto na niyang iuwi ang kanilang Mama..
sa puntong yun ay hindi na nagustuhan ni Andrei ang takbo ng usapan..
kaya pumagitna na rin sina Paeng at Lizelle..
pero sang-ayon rin ang 2 sa plano ng kanilang Ate Amanda..
dahil dun ay nagalit na si Andrei at nagkaroon pa ng sumbatan..
hindi daw niya inaasahan na si Lizelle pa talaga yung susuko sa kanilang ina..
si Amanda naman daw ay sadyang madaling sinusukuan ang mga mahal niya sa buhay..
pumagitna na rin si Mareng Lydia para huminaon si Andrei, pero naniniwala rin siya na baka yun nga yung kahilingan ng kanyang bestfriend..
pakiramdam tuloy ni Andrei na napaka-negative na nilang lahat..
gusto niyang umasa sa science hangga't maaari..
hindi rin naman daw madali yung desisyon na yun para kina Amanda, pero baka yun nga daw yung kagustuhan ng kanilang Mama, huwag naman daw maging selfish si Andrei, at hayaan nang makauwi sa kanila si Mommy Glo..
pero ayaw talaga ng pangalawang anak, lumabas na ito ng kuwarto, at doon nag-iiyak sa labas...
at pumirma na nga si Amanda sa waiver, kasama si Mareng Lydia, at sa presence nung lalaking doktor ni Mommy Glo..
ipinaalam naman nung doktor na pwede silang kontakin na 2 ni Dra. Bautista anytime, kung kakailanganin...
balik sa silid ni Mommy Glo..
andun na nga yung pari, at nagsagawa na ito ng sakramento, i believe yun yung anointing of the sick..
pero hindi ito kinayang makita ni Andrei, kaya muli siyang lumabas ng kuwarto at doon nag-iiyak..
pagkatapos ng pari, sinabi nito na pwede nang ipatawag ng pamilya ang nurse..
at sinabi naman ni Amanda sa kanilang Mama na uuwi na sila...
isa rin 'to sa rason kung bakit ginawang mas una yung pagkamatay ni Peter..
dakila na yung pagmamahal niya, at nasa masayang punto na siya, kaya hindi na nila siya pinagdusa pa sa huli kung sakaling na-witness pa niya ang pagkawala ni Gloria..
hinayaan nilang yumao yung character niya nang masaya, tutal eh parehas naman pala silang mamamatay..
at the same time, yung pamilya naman talaga ni Gloria yung pangunahing mga characters dun sa istorya..
kaya ipinakita nila kung paano yung struggle nang sila-sila lang, dahil medyo malakas at matatag kasi yung character ni Peter...
mukhang sinadya rin na limitahan talaga yung mga eksena para sa immediate family..
walang tawag mula kay Chad, wala rin sina Ken, Sandro, at Y...
mukhang wala nang nangyari sa bahay nina Peter at Gloria sa Bagong Ilog...
was
feeling , mamamatay na rin si Mommy Glo...
---o0o---
April 20, 2017...
[TV Series]
The Greatest Love
nag-iisip na si Lizelle ng mga ihahanda nila bukas para sa 63rd birthday ni Mommy Glo..
naalala naman ni Amanda na 1st birthday yun ng kanilang Mama na wala na ang kanilang Tatay..
ano daw kaya ang gagawin para dito ng kanilang Tatay kung sakaling buhay pa ito..?
sinabi naman ng bunso na siguradong pasasayahin ang kanilang Mama ng kanilang Tatay at palagi lang siyang nasa tabi nito..
si Z naman ay natutuwa sa pag-e-edit ng video na ipe-present niya sa birthday ng kanyang Mommy La...
sa araw ng pagdiriwang..
si Mareng Lydia lang ang dumalo..
iniiwasan ni Andrei na lumapit sa kanyang Mama..
naigagalaw pa naman ni Mommy Glo ang kanyang ulo..
sa isip naman ni Andrei ay humingi siya ng sorry sa kanyang ina, duwag daw kasi siya at hindi kayang makita ang kanyang Mama sa ganung kalagayan..
nakakakita na ang pasyente ng liwanag sa kanyang harapan (nakahiga siya kaya sa itaas na siya nakatingin)..
at tila inaabot na niya ito gamit ang kanyang kaliwang kamay..
pero iniisa-isa na muna niyang tingnan ang mga mukha ng lahat ng nasa paligid niya..
at napansin ni Lizelle na tila hinahanap ng kanilang Mama si Andrei, kaya tinawag niya ito..
dali-daling lumapit si Andrei sa kanilang ina..
matapos yun ay may ginustong sabihin si Mommy Glo sa kanilang lahat..
inilapit ni Amanda ang kanyang tenga para marinig ang mensahe ng kanilang Mama..
at sinabi nga daw nito na "mahal na mahal ko kayo"..
tapos ay muling lumingon si Mommy Glo doon sa ilaw, nang nakangiti na this time..
sa pagtingin niya sa liwanag ay nag-flash sa kanya ang lahat ng mga alaala niya, at pinakahuli dito ang mukha ni Peter sa araw ng kasal nila..
hanggang sa humina at nag-zero na nga nang tuluyan ang lifeline ng pasyente..
sinabi ni Amanda na mahal na mahal nila siya, at na magpahinga na siya..
isa-isa ring nagpaalam ang iba pa..
nag-iyakan ang lahat, maliban kina Sandro (gaya nga ng sabi ni Peter, dahil matatag siya) at si Sunny (dahil baby pa siya)...
wala ring masyadong invited sa birthday niya na 'to, kasi nga eh noon na rin siya mamamatay according sa script..
so hinayaan nila na yung pamilya lang niya ang makasama niya sa mga huling sandali niya...
inayos na nina Lizelle ang bahay sa tulong ni Pareng Joma..
si Andrei naman ay nasa labas lang..
dumating na yung 3 scholar nila mula sa San Ildefonso para makiramay at tumulong rin..
saktong dating rin naman ng karo na may dala sa kabaong ni Mommy Glo..
ipinapasok na ito ng mga bata, pero hindi makasunod si Andrei at sinilip niya lang ito mula sa labas..
nang maiayos na ang ataol at ang picture ni Mommy Glo, ay naalala ni Amanda yung panaginip niya noon, kung saan umuwi siya at naabutan na patay na ang kanilang Mama..
binuksan na ang kabaong, at bakas sa mukha ni Mommy Glo na masaya siyang yumao dahil sa ngiti niya..
pero maging si Paeng ay hindi makumbinsi ang kanyang Kuya Andrei na pumasok na..
naisip tuloy nina Amanda at Lizelle na paringgan siya, parang may kulang daw sa makeup ng kanilang Mama..
dahil dun ay sinilip na nga ni Andrei ang kanilang ina, saglit itong lumabas, at bumalik sa loob ng bahay dala ang kanyang makeup kit..
naiiyak si Andrei na m-in-akeup-an si Mommy Glo, kaya pinaalalahanan siya ng kanilang Tita Lydia na huwag papatakan ng luha ang bangkay..
ayun daw, maganda na daw ulit siya, sakto daw yun para mapa-wow naman daw ang kanilang Tatay kapag muling nagkita ang 2..
after that ay kin-omfort ni Amanda si Andrei...
sa araw ng burol..
pumunta halos lahat ng cast; maliban kay Chad na hindi na umuwi ng bansa, at pati yung ex-girlfriend ni Paeng (na nasa A Love to Last)..
maging sina Oca at Leklek ay nakadalaw sa huling mga sandali ni Mommy Glo..
kaya medyo na-interview sila ng pamilya..?
sila daw yung tumulong noon kay Mommy Glo nang mawala ito at hindi makaalala, pero una nila siyang nakilala dahil sa commercial niya..
lately lang daw nila ulit naalala ang matanda at nahanap lang through Facebook, at doon rin nga nila nalaman na pumanaw na ito..
malaki daw ang naitulong nito sa kanilang pamilya..
a week after nila siyang matulungan ay nagpadala daw siya ng mga regalo, kasama na ang bagong makina para sa pananahi ng basahan ng asawa ni Oca..
dahil doon ay mas na-realize ng mga bata kung gaano karami ang natulungan ng kanilang ina..
sa puntong rin yun nila pinakita kung gaano karami yung nagmamahal kay Mommy Glo, well hindi kasing dami ng sa totoong buhay, pero halos kumpleto with respect sa casting...
i'm not sure, pero ibang gabi na yata noon..
pinag-share nila si Mareng Lydia tungkol sa kanyang bestfriend..
ipinaalala nga niya na hindi sila dapat magluksa at malungkot..
bagkus ay dapat nilang i-celebrate ang naging buhay ni Gloria..
dahil natupad nito ang lahat ng kanyang mga pangarap - sa buhay niya, para sa mga anak niya, at ang pangarap nilang 2 ni Peter..
kaya naman daw bukas ay hindi na siya magpapaalam pa sa bestfriend niya, bagkus ay sasabihan na lang niya ito ng "i love you"...
sunod naman ay si Z ang nag-share tungkol sa kanyang Mommy La..
at mas nag-focus siya sa mga recorded videos nito, dahil gusto daw niya na sa ganung paraan nila maalala ang kanyang lola..
sa pinaka-last na video, sinabi ni Gloria na posibleng tuluyan na siyang nakalimot o wala na siya sa panahon na mapanood nila iyon..
ipinaalala niya na huwag silang maging makakalimutin..
ibinilin niya na palagi silang magmahalan, at parating maglaan ng oras para makasama ang isa't isa - lalo na daw kung Sunday..
palagi din daw silang kumuha ng mga pictures para ma-capture ang kanilang mga alaala..
at sa bandang huli ay sinabi niya na ang mga anak niya ang kanyang Greatest Love...
strategic rin yung paggamit sa video na yun..
posibleng na-record yun noong hindi pa ulit nagkikita sina Gloria at Peter, at walang kasiguraduhan na magkakasama pa sila ulit..
mas akma nga na yung mga bata ang iniwanan niya ng message tungkol sa Greatest Love niya, kasi hindi na yun mapapanood ni Peter kung nagkataon na para sa kanya yung mensahe since mas una nga siyang nawala...
was feeling , sa wakas, last episode na bukas, makakapagpahinga na ako mula sa TGL...
---o0o---
April 21, 2017...
[TV Series]
The Greatest Love
unti-unti nang naubos ang tao sa burol..
pinayuhan na rin ni Mareng Lydia si Paeng na magpahinga na rin, mukhang bukas na ang libing ni Mommy Glo..
pero tumanggi si Paeng dahil wala daw kasama ang kanilang Mama..
at umalis na rin nga si Mareng Lydia..
nang ang binata na lang ang naiwan, ay napa-MMK siya tungkol sa kanyang ina..
tinugtugan at kinantahan din niya ito..
tapos ay ikinuwento niya na ga-graduate na siya, at lahat ng yun ay dahil kay Mommy Glo..
hindi daw niya pinatalo ang pagpusta sa kanya ng kanyang Mama..
mahal na mahal daw niya si Mommy Glo...
dinala na nga si Mommy Glo sa simbahan para sa pamisa..
matapos ang misa, ay una namang nag-share si Amanda..
napa-MMK rin siya, at humingi ng sorry sa lahat ng masasama niyang nagawa laban sa kanyang Mama..
at nagpasalamat rin siya na pinili siya ng kanyang ina...
sunod naman na nagsalita si Lizelle..
sorry daw na sila pa yung unang nakalimot sa kanilang Mama noong mga panahon na nag-aaway-away pa silang magkakapatid..
siguro daw ay kaya konti na lang yung panahon na ibinigay para sa kanilang ina, ay para matuto sila na pahalagahan ang bawat sandali na kasama nila ang mga mahal nila sa buhay...
sa sementeryo naman..
sinabi ni Amanda sa ina na walang makakatibag sa samahan ng kanilang pamilya ngayon..
at bago ibaba ang kabaong ni Gloria ay pinahakbang na muna ang mga apo nito..
after ng libing ay nagpakawala pa ang mga taong dumalo ng mga lobo...
sa bahay ni Gloria..
andaming tao sa bakuran nila..
mukhang mga pasyente yung iba..
sa panahon na ito ay doktor na si Z, at nurse na rin si Y..
hindi naman artista ang gumanap sa papel ng malaki nang si Sunny..
Happy Mornings Home Care Facility ang pangalan ng binuong facility ng pamilya nila..
si Amanda ang manager..
financial officer si Lizelle..
music therapist si Paeng..
assigned sa wellness program si Andrei..
siyempre naging posible yun dahil naging doktor na nga si Z..
si Ate Melba naman ang head caregiver..
consultant si Dra. Bautista..
nurse si Y, pero hindi daw ito ex- ni Doc Z ang biro pa ni Amanda..
at si Ken naman ang nagpo-provide ng masasarap na pagkain nila..
71st birthday na pala sana ni Mommy Glo noong araw na yun..
at buhay pa si Mareng Lydia..
ginawa yun ng pamilya nila para makatulong rin sa mga pamilya na nakararanas ng pinagdaanan ng pamilya nila noon...
sa lugar naman na kawangis ng Bagong Ilog..
inabot na si Gloria ng halos 8 taon sa pamamangka, LOL..
sa buhay daw ay ang mas mahalaga ay yung bakas na iniiwan..
dahil pagdating daw sa ultimate na patutunguhan ng lahat ay hindi naman susukatin kung gaano kalayo ang narating ng isang tao noong nabubuhay pa siya - kundi kung paano ba siya nagmahal..
nang marating na ni Gloria ang pampang ay sinalubong siya ni Peter..
at magkahawak kamay silang naglakad sa baybayin ng ilog...
may FOREVER, LOL... XD
was feeling , THE END...
No comments:
Post a Comment