The Impeachment War

sinong niloko ninyo..?
eh alam naman ng mga nakauunawa na ang Impeachment ay labanan ng bilang..
eh pati nga yung sa judiciary branch ngayon eh labanan na rin ng bilang ang nangyayari eh.. :(
kung sino ang may mas maraming tuta ang nananalo..
regardless kung ano ang tama o mali...

---o0o---

update ulit (56 na)..
medyo in-organize ko rin yung mga kaso..
una (untikan ko nang makalimutan 'to), ang pagtataksil sa interes ng bansa at ng mga (ibang) mamamayan (lalo na yung mga naging biktima), at pagbalewala sa kasaysayan at dangal ng bansa:

• ang pagpapalibing sa bangkay ng isang Diktador sa isang makabuluhang national cemetery
• yung pagbibigay ng permiso sa isang Imperyalistang nasyon (na lantarang nang-aagaw at nang-aangkin ng mga teritoryo) ng kalayaan para mag-explore sa teritoryo na posibleng mapagkunan sana ng mahahalagang resources ng bansa

are yung ang involved o semi-involved eh mga identified talaga bilang awtoridad:

• yung mga lalaking itinumba kahit na naka-posas na sa likod
• yung 4 year old daw na bata na nadamay sa pagpatay ng mga pulis sa tatay niya
• yung army reservist na pumatay ng lalaking naka-bike matapos ang road rage at matapos nilang magsuntukan sa kalye, tapos may nadamay pang isang sibilyan sa pamamaril niya
• yung OFW na dinakip sa checkpoint at naging biktima ng torture at pagpatay
• yung mga taga-Quezon na hinuli sa parang raid, pero wala palang record ang mga pulis ng naging operasyon na yun laban sa kanila, at may natagpuan na lang na mga sunog na bangkay na pinaghihinalaan na sa mga taong yun na pinagdadakip nga
• yung kaso nung Australian, kung saan hindi nag-match yung statements ng mga arresting officers kumpara sa naging kuha ng CCTV, at may alegasyon pa ng tangkang pangingikil (this happened sometime before the current administration)
• yung kaso involving Makati Police, kung saan inaresto ang isang OFW gamit ang gawa-gawa lang naman DAW na dahilan, at tinakot DAW na gagawing related sa ilegal na droga kung hindi magbibigay ang pamilya niya ng Php 500,000
• yung kaso ng pagpatay sa Regional Chairperson ng Citizens Crime Watch sa Oriental Mindoro, kung saan Police Senior Inspector at Inspector (police awardee pa yung isa) yung nahuling mga suspect, at may mga kagamitan talaga sila na pang-riding-in-tandem
• yung Mayor sa Mindanao at ang mga kasama niya na hinihinalang pinatay sa rubout
• yung pagkamatay ni Mayor Espinosa; nakakulong na, hinainan daw ng search warrant kahit na madaling araw na, nawawala ang kuha ng CCTV, at nakapanlaban daw
• yung mabilis na pagre-reinstate dun sa Marcos (pulis ng Region 8 na sangkot sa kasalukuyang kaso/istorya ng mga Espinosa) at tila pagiging 'maluwag' ng mga kinauukulan sa iba pang pulis na involved
• yung kidnapping ng isang civilian last October daw na nakunan ng CCTV, na ang sangkot ay mga pulis na hindi naka-uniform
• yung kaso sa Lemery, Batangas kung saan may claim na nauna (higit na mas maaga) daw hinuli yung mga drug suspects nang mga naka-civilian na pulis na wala namang dalang warrant, pero hapon na noong kuhanan ng mga pictures at inventory na may kasama ng mga ebidensiya laban sa kanila
• yung pagpatay ng isang pulis sa lalaking nanlaban DAW matapos mag-amok sa isang bangko sa Laguna na nakunan naman ng CCTV camera  
• yung pamamaril ng isang lasing na pulis sa Misamis Oriental na ikinasugat ng 4 na katao 
• yung nakainom na pulis sa Negros Occidental na namaril din at nakapatay
• yung ginawang pananampal at panggugulpi ng isang sundalo sa isang bar sa Isabela, supposedly eh naka-duty daw siya, at nanggulo DAW doon dahil gusto ng nude dance/show
• sa Sorsogon, yung pangho-holdap ng isang sundalo sa isang remittance center, na supposedly eh naka-duty rin siya during that time
• yung pulis na nambugbog ng makulit na matandang lasing, at inilagay pa niya sa paso ang batas 
• sa Negros Oriental, yung pulis na nakunan ng video habang pinatapat ang tenga ng isang sibilyan sa muffler habang pinapaandar yung motorsiklo
• yung pulis sa Sta. Mesa na namaril ng sibilyan na binu-bully DAW nito parati at sinaktan pa bago yung insidente, matapos na rumesbak yung biktima na may dalang bato at itak
• yung buy-bust operation DAW sa Caloocan, na ginawa ng mga naka-sibilyan na naka-hood at mga naka-maskara at hindi na mga pulis, na natunugan DAW, kung saan 2 magbiyenan na drug-related suspects ang napatay sa loob ng kanilang pamamahay
• yung napatay na 17 y/o sa Caloocan City na hindi naman target pero nadamay daw sa ginawang buy-bust operation, nakita daw siya na may baril kaya pinatay na
• yung pulis na namaril ng kapwa pulis sa Lipa City
• sa Pasay City, yung miyembro ng army na nakainom, nagwala, at nakipagbarilan pa sa mga pulis
• yung pulis na ng rape ng sibilyan sa Calamba City, na ginamit DAW yung pagka-pulis niya para kunwari ay magpapatulong lang dun sa biktima
• yung pulis na binaril yung menor de edad na isinasama lang DAW niya
• yung pulis Mandaluyong na aksidenteng nakabaril sa Nasugbu, Batangas dahil DAW ipinagmamalaki niya yung baril na na-issue sa kanya
• yung SAF na nambugbog ng traffic enforcer sa Bacolod matapos siyang masita na nagawa niyang traffic violation
• sa Dumaguete, yung 5 pulis (hindi naman naka-uniporme o naka-duty) na nambugbog DAW dahil sa isang basketball game
• yung CCTV footage na ibinigay kay Senator Lacson, na nagpapakita kung paanong tinaniman ng mga pulis DAW ng ebidensya ang isang opisina, tapos ay saka ni-raid yung lugar
• yung na-hulidap na Korean, na nahingan na nga ng ransom yung pamilya, pero pinatay pa rin talaga yung biktima sa loob pa mismo ng kampo ng mga pulis
• yung mga South Korean na na-hulidap sa Pampanga, na nakunan ng CCTV, na hinuli gamit ang alibi na sangkot sila sa illegal online gambling, na ilang oras ikinulong sa police station at pinakawalan lang matapos magbigay ng pera
• yung nangyaring saksakan at patayan ng mga high profile inmates sa loob ng Bilibid kahit na pinataas na DAW yung seguridad doon at mga SAF pa ang nagbabantay
• yung panibagong kaso DAW ng VIP treatment para sa mga high profile inmates na lumabas sa balita nitong February 2017
• yung maramihang pagsibak sa mga pulis sa Parañaque dahil DAW sa mga kaso ng pangongotong
• ang patuloy at malaking bilang ng mga pulis na lumalabas na positibo sa paggamit ng ilegal na droga through drug test  (ang isa sa butas ng laban kontra sa ilegal na droga)
• yung 3 sundalo DAW na nahulihan ng mga drug paraphernalia sa Cebu City

are naman yung mga hindi pa malinaw kung anong klase nga ng mga tao ang involved o hindi tiyak o nabanggit kung sino ang nakatama:

• yung honor student na choir member na ginamitan ng karatula
• yung 5 year old daw na bata na nadamay sa tangkang pagpatay ng mga hindi kilalang tao sa lolo niya
• yung 5 year old na taga-Pasay na napatay habang natutulog dahil nadamay sa pagpatay sa tatay niya na siya daw target nung hindi nakilalang tao
• yung pagkamatay ng bagong binyag na bata (na tinamaan ng ligaw na bala) sa Bulacan dahil nadamay sa pagpatay sa kanyang ninong na involved DAW sa droga
• yung pagkadamay at pagkapatay sa isang manliligaw sa Quezon City dahil involved daw yung nililigawan niyang babae sa ilegal na droga
• yung kaso sa NCR kung saan nadamay at natamaan ng bala ang isang sibilyan dahil sa paghahabulan ng mga pulis at ng isang suspek
• yung 2 sibilyan sa Laguna na nagsisimbang-gabi lang sana, na nadamay (napatay yung batang babae) sa pamamaril  ng mga hindi pa nakikilalang mga suspek sa isang barangay tanod na related din daw sa ilegal na droga
• yung tila 2 grupo ng tao na napatay sa Caloocan City, na either drug related daw yung isang grupo kung kaya't nadamay sa tumbahan yung mga miyembro daw ng frat, o dulot ng frat war na ang nadamay naman eh yung ilang drug related personalities

heto naman yung mga may kinalaman sa kahinaan ng kasalukuyang penal system at pagpapatupad ng iba pang mga batas at patakaran sa bansa:

• sa Pasay, yung target ng buy-bust operation na nakapatay at nakasugat ng mga pulis, grupo sila eh, at yung main target daw ay marami ng record ng krimen pero talagang nakakalaya pa rin
• regarding sa pag-determine ng edad na pasok sa criminal liability, yung pulis sa Dipolog na ginulpi ng mga kabataan at untik nang mapatay matapos niyang umawat lang sa rambulan ng mga ito
• regarding sa batas trapiko, yung 2 lola na parehong namatay matapos mabangga ng humaharurot na tricycle habang tumatawid sila sa pedestrian lane
• dahil pa rin sa kawalan ng kontrol sa mga armas, sa Cavite, yung lalaki na hinuli at dinala sa isang motel at balak i-hulidap ng mga lalaking nagpanggap na miyembro ng PDEA at PNP

at may kaso na iba-iba ang kategorya:

• yung pagkamatay ng isang 9 year old na bata, na pinaghihinalaang pinatay ng mga menor de edad; na natagpuan yung bangkay na nakagapos ang mga kamay, na binugbog daw, pinutulan ng mga daliri, at may hiwa pa sa tiyan
• yung pagsu-suicide daw ng isang Director Villa ng ERC dahil sa katiwalian sa trabaho nila
• isama na rin yung pagkalat ng mga fake news at paid trolls sa social media
• yung Oplan Cyber Tokhang

---o0o---

March 15, 2017...

panibagong kaso ng pagtataksil sa bayan...

umamin na ulit yung may kapal (ng mukha)..
hinayaan niya ang Imperyo na galugarin ang teritoryo ng bansa..
joint exploration..?
sino namang mga tanga ang maniniwala dun..?
alam ng lahat ng nasyon na idinadaan na ng Imperyo sa pangho-hostage ng global economy at pananakot gamit ang military force ang lahat..
kaya sinong maniniwala na makikinabang tayo sa kung anuman ang gusto nilang pakinabangan..?
eh kung tutuusin eh wala nga silang karapatan sa lugar na yun...

again, hindi na naman maipaliwanag ng mga tao niya yung pahayag niya..
mahirap talaga kapag sinabi mo na 2 out of 5 lang sa mga sinasabi mo yung totoo...

ano 'to..?
ibinenta ng diyos-diyosan yung teritoryo natin kapalit ng pautang na cash na kaagad (no need to invest)..?
o talagang takot lang silang igiit ang karapatan natin sa sarili nating mga teritoryo..?
sa kabila ng kakulangan ng bansa sa energy resources eh talagang ipamimigay pa sa Imperyo yung mga possible sources dahil lang sa takot ang gobyerno na mag-invest sa parehong exploration at defense...??

samantalang yung sa internet plan nila eh balak nilang gumastos ng malaking halaga..?
ito ay sa kabila nang kawalan nila ng sapat na kaalaman tungkol sa data o information security (na ilang beses nang napatunayan ng mga hackers)..
halatang nag-i-imbento lang sila ng mga gastusin eh...

or..
posibleng nagpapain na naman yung diyos-diyosan gamit ang marurumi niyang pananalita..
naghihintay ng kung sino ang kakagat at babatikos sa mga kalokohan at pagtatraydor niya..
palalabasin na lahat ng pagpuna sa mga katangahan niya eh bahagi ng mga plano para sa destabilization ng pamahalaan..
at saka niya gagawing rason yun para magdeklara ng mga walang kuwentang batas na magagamit nila (kasama ang mga pinoprotektahan niyang angkan) sa pagkapit sa kapangyarihan...

was feeling , mukha kang utang at international aid...

---o0o---

March 16, 2017...

panibagong kaso na naman para sa mga dapat na napagkakatiwalaan...

sa Dumaguete galing yung balita..
yung tungkol sa 5 pulis na nambugbog DAW habang nasa isang basketball game...

was feeling , sports pa lang ang usapan nun, eh paano kung mas seryoso pa yung naging setting...?

>
hindi nga maganda yung ginawa ni Leni... :(

nag-release siya ng isyu sa YouTube na walang masyadong supporting facts..
ang dapat sana ay hinayaan na muna niya na may lumabas na mga ganung klase ng balita sa mainstream media, bago nila inilabas sa publiko na kesyo may nakarating sa kanilang mga information na may ganung mga nangyayari...

mahirap na kasi sa panahon ngayon..
CCTV at mga video files na lang ang malinaw na basehan kung totoo nga ang isang bagay o ano..
mahirap rin kasi kapag napasahan ka ng misleading na information or fake news...

was feeling , evidence muna bago ang mga claims...

---o0o---

March 17, 2017...

panibagong kaso na naman ng mga pasaway..
luma na palang tugtugin, pero mga bagong pinarusahan...

yung maraming pulis sa Parañaque na pinagsisibak DAW dahil sa mga kaso ng pangongotong...

was feeling , ano bang nagiging trabaho ng mga masasamang pulis kapag nasibak na sila sa serbisyo...?