Counting Crows

bakit Counting Crows..?
eh ano ba ang myth tungkol sa mga uwak...

mahirap talagang bumuo ng isang sistema kung saan patas na makikinabang ang lahat ng mga mamamayan..
pero may mga paraan naman para maiwasan at malabanan ang mga pagmamalabis sa kapangyarihan...

lalo na sa panahon ngayon kung kailan halos automatic na kamatayan ang katumbas ng pagiging related sa droga..
kahit na sino ay pwede nang maging biktima ng mga pekeng ebidensya at mga karatula for branding... :(

---o0o---

September 19, 2016...

totoo kaya na sangkot sa droga si De Lima..?
kapag kasi totoo yun, mangangahulugan na lahat ng pagsugod at raid sa Bilibid noong panahon niya ay palabas lang..
effort na wala talagang patutunguhan...

nakakapagtaka lang kasi na puros preso yata yung testigo laban sa kanya..
kasi kung ebidensya ang kailangan edi mangangailangan nang direktang interactions nung Senadora at nung mga preso para lang masabi na may deal nga sa pagitan nila..
kailangan nang direkta at harapan na usapan, pagbibigay ng utos, at bigayan ng pera..
kasi kung walang interaction, eh magiging kuwento rin lang yun...

sana lang walang takutan na may kapalit na mga buhay sa istorya na 'to..
dahil sa ngayon, mas obvious kung sino ang may kakayahan na pumaslang lang nang pumaslang...

feeling , hindi ba totoo ang truth serum...?

---o0o---

September 20, 2016...

halos hindi na bago yung istorya ng mga preso; droga, prostitusyon, marangyang pamumuhay sa loob..
pero kahit na may mga ebidensya na noon, parang ngayon lang ako nakapanood na may mga umaamin na ganun nga yung mga ginagawa nila...

pero totoo kaya na absuwelto na sa mata ng batas ang mga certified na masasamang tao na 'to..?
matapos ang lahat ng kontribusyon nila sa kasamaan..?
hindi na ba sila pwedeng pagpapatayin..?
dapat i-Genocide na ang mga kauri nila...

feeling , Php 1,000,000 plus lagi ang kita sa concert...?

---o0o---

September 21, 2016...

Magalong sounds legitimate...

feeling , walang direct evidence, pero na-open nga yung ibang mahalagang tanong na sila-sila lang ang nakakaalam noon...

---o0o---

September 22, 2016...

maganda yung hearing sa Congress..
malinis ang daloy..
halos kayang-kaya na ni Aguirre lahat ng interview..
at everytime na may lumilitaw na pangalan, ipinapa-subpoena kaagad...

pero iba ngayon sa Senate..
kahit na may nababanggit na mga pangalan ng ibang participants, parang walang initiative na ipa-subpoena ang mga taong yun - para man lang subukang mag-verify..
hindi ko rin makuha yung logic ng ibang senador, na walang kinalaman yung mga kaso sa Davao City sa kaso ngayon ng buong bansa..?
una kasi, yung idol nga ng mga tao ang pinaghihinalaang boss..
base sa mga statements, the term Davao Death Squad seems to be directly related dun sa idol - at yung lack of evidence lang yung dahilan kung bakit nagiging fictional yung treatment dun sa DDS..
pero as far as vigilante killings ang concerned, eh talagang nangyayari yun doon sa lugar..
nakakapagtaka lang kasi na kahit na ipinagmamalaki nila na city nila yung may pinakamaraming CCTV sa buong bansa, eh hindi talaga nila nasusugpo ang mga vigilante..
i guess mali nga yung paggamit sa term na extrajudicial killings, dahil madali lang yung mapagtatakpan kung sasabihin na vigilante yung nagawa..
at ngayon nga, saklaw na ang buong bansa ng scale ng mga patayan, kung saan marami ang t-in-rabaho ng mga hindi kilalang tao o grupo - so anong assurance na walang D Death Squad sa hanay ng mga yun...?

feeling , mukhang magiging mga bida pa yung mga taong naamin na sa mga kalokohan na pinaggagagawa nila sa loob...

---o0o---

September 23, 2016...

2014 pa pala lumutang si Matobato..
so imposible na 'ginawa' lang siya para lang sirain yung idol bilang isang pangulo..
iba-iba rin ang findings tungkol sa i-f-in-ile niyang kaso noon..
basically, hindi tugma yung findings ng NBI noon sa ginawang assessment ng bagong pamunuan ng DOJ..
masyado nang dumadami ang mga kasinungalingan..
pero sino at ano nga kaya si Matobato...?

yung Marcelino naman..
pinagulo lang lalo ng text message niya yung istyorya..
pero nakabuti na rin yun, dahil lumabas yung ibang hindi malinaw na anggulo..
at nagkaroon na rin ng pagbabago sa mga statements niya..
isang palatandaan na may nagmamanipula talaga sa mga bagay-bagay...

feeling , kailangan pa ring lumabas ang totoo...

>
yung mga panatiko na umaabot na sa punto nang pagbabanta sa buhay ng mga mamamahayag habang nagtatago sa likod ng social media..
pati na rin yung mga gumagawa ng fake news at malicious photo captions..
dapat nata-track sila at pinaparusahan...

feeling , mga nakakahawang zombie...

>
may isa na namang naging biktima..
27 y/o OFW daw na nandito lang sa bansa para magbakasyon..
dinakip siya ng mga pulis sa checkpoint..
at natagpuan na lang na patay, at t-in-orture pa...

kung pusher man siya o user, na itinatanggi naman ng pamilya niya..
the fact na hinuli na siya sa checkpoint ay dapat nangangahulugan na dadaan na siya sa tamang proseso ng batas..
pero dahil sa nangyari sa kanya..
it's either biktima siya ng frame-up with a motive..
o drug-related nga siya na biktima naman ng extrajudicial killing..
kasi parang maliit lang yung tsansa na nanlaban siya tapos grabe yung inabot niyang kamatayan..?
o pinakawalan siya o ibinigay sa ibang grupo ng mga tao na sila namang pumatay sa kanya...?

pero kung ano man ang totoo..
this is already a proof na may mga pag-abuso na sa batas ang mga kapulisan..
at hindi lang 'to yung nag-iisang ebidensiya sa ngayon...

pero ang mas nakakaalarma dito..
is that in case hindi nga drug-related personality yung OFW na yun, then that means na hindi na talaga ligtas ang mga mamamayan mula sa tanim-shabu-sabit-karatula modus ng mga tiwaling pulis..
pero ano ang motibo..?
hulidap ba yun na humihingi ng pera, or else palalabasin na drug-related personality yung dinakip nila..?
at hindi ito dapat ituring na isolated case lamang...

feeling , pero masuwerte pa rin siya kahit papaano na nakunan ng CCTV ang nangyaring pagdakip sa kanya.. hindi tulad sa iba na wala talagang mga witness kundi yung mga taong mismong pumatay sa kanila...

>

• yung mga lalaking itinumba kahit na naka-posas na sa likod
• yung honor student na choir member na ginamitan ng karatula
• yung 4 year old daw na bata na nadamay sa pagpatay ng mga pulis sa tatay niya
• yung 5 year old daw na bata na nadamay sa tangkang pagpatay ng mga hindi kilalang tao sa lolo niya
• at ngayon isang OFW na dinakip sa checkpoint at naging biktima ng torture at pagpatay

dapat ba silang mamatay para sa kaligtasan ng mas nakararami..?
mga sacrificial pawns lang ba talaga sila..?
hindi pa rin ba kailangan ng sistema para mas maging maayos at malinis ang mga susunod pang mga hulihan at patayan...?