Loveless Story
January 15, 2020...
[Video / Cuties]
Neneng B
una ko 'tong napanood at narinig sa UKG..
pero dance cover lang ng SB NewGen..
(ang telegenic at ang galing talaga nina Julie at Daphny)...
kanina ko lang pinakinggan yung mismong kanta, at saka ko lang nalaman na explicit pala siya.. XD
akala ko Neneng B na Sam Pinto..
pero yung bastos na Neneng B yata yung tinutukoy dito...
ayun..
pasok tuloy siya sa Stripper Playlist ko..
green at maganda yung beat eh...
pero ang hindi maganda sa mga ganitong dance cover..?
napo-popularize kasi yung kanta..
nababanggit yung title siyempre..
at may tendency na ma-search ng mga kabataan sa internet yung full explicit song...
credit for the video goes to their respective creator(s) and uploader...
is
feeling , yung mga mamamayan na nagmamalinis, pero kumakanta naman ng mga explicit English songs...
---o0o---
January 16, 2020...
[Video / Cuties]
konting pampa-good vibes..
ngayon ko lang nalaman na babae pala si Sakimi Chan..
at cute na nerdy-look pa..
not really a fan, pero magaling siyang digital artist..
at idol ko yung milyones na kinikita niya...
nagulat lang ako kung paanong ang isang babae na kasing mukhang-conservative niya, eh tumatawid rin pala sa NSFW...
credit for the video goes to their respective creator(s) and uploader...
is
feeling , art is art.. even the dark ones...
---o0o---
January 18, 2020...
hay..
bumaba nga ako sa level minus Php 6,000 para hindi naman ako magsayang ng pera sa mga experimental na adventure..
kaso pinagdamutan naman ako...
nakakuha nga ako ng access sa itaas..
pero puros pangalan at rate lang ang meron..
walang natural na maganda..
walang balanse..
puros risky na sugal pa, dahil baka matapat sa maselan...
hindi ko na alam kung saan pa ako maghahanap.. :(
yung nakita ko dati na nasa level Php 8,000, ngayon eh nasa level Php 10,000 plus na..
kaso high-risk dahil wala namang record...
is 💔 feeling , buhay ng isang api...
-----o0o-----
January 14, 2020...
[TV Series]
The Killer Bride
bago yung hostage taking..
noon pala nag-aminan sina Elias at Emma over the phone tungkol sa tatay ng binatilyo, at humingi na siya ng kapatawaran sa kung anuman ang posibleng mangyari dahil nga sa iniutos sa kanya ng Killer Groom..
inamin ni Elias na buhay ang kanyang tatay at ang tungkol sa mga kasalanan nito..
at inamin naman ni Emma na nalaman na niya noon ang tungkol sa posibleng pagkatao ng tatay ni Elias...
balik sa kasalukuyan..
ipinarating nga ni Elias ang huling mensahe ni Camila para kay Emma..
na iniligtas niya ang binatilyo para kay Emma..
nag-sorry rin si Elias dahil pakiramdam niya na kasalanan niya ang nangyari kina Camila at sa kanyang tatay...
suot nga ni Alice ang costume ng Killer Groom nang dalhin siya sa ospital..
c-in-laim niya na sinaksak siya ng Killer Groom..
dinukot daw kasi siya ni Agnes mula sa mansyon ng mga Dela Torre, at dumaan sila sa lihim na lagusan ni Camila..
sa lumang kapilya naman ay pinuwersa daw siya na gampanan ang papel ng Killer Groom, habang nagtatago si Agnes sa kanilang likod at binabantaan siya...
at hindi nga nakita si Agnes sa pinangyarihan nung krimen..
kahit alam ni Elias na si Alice ang Killer Groom, eh wala naman siyang ebidensya na ito ang pumatay kay Camila..
sa pagkakaalam pa nga niya ay si Agnes din ang nakapatay kay Camila dahil ito ang huli niyang nakita na nakabaril sa babae..
yun ang basehan nung palusot na ginagamit ngayon ni Alice..
although butas nung script ang sistema ng autopsy...
nagdadalawang isip naman si Iking na sabihin sa iba na nakikita niya ang kaluluwa ni Camila..
inamin niya ito kay Manay Ichu, kaso ay hindi naman naniniwala ang kanyang tiyahin..
pero sa oras na ieembalsamo na sana ni Iking si Camila, eh biglang nagmulat ang babae..
hindi na itinuloy yung eksena na iyon, so posibleng nagkaroon ng secret plan yung 2...
inamin naman na ni Vito kay Luna ang natuklasan nila ni Camila tungkol sa dalagita..
nalungkot si Luna, pero naiintindihan naman daw niya yung mga nangyari..
kasalanan pa nga daw niya kasi hindi siya kaagad pumayag na magpa-DNA test...
nakauwi na si Alice sa mansyon ng mga Dela Torre..
medyo c-in-onfront siya ng tiyahin ni Agnes..
at sa pag-uusap nila eh may malakas na paranormal force na biglang naghagis ng gunting kay Alice...
hanggang sa inilibing na sina Camila at ang tatay ni Elias..
pero hindi pa rin magawa ni Emma yung mga gawain niya dapat para sa yumao...
at ini-reveal na binihag ni Alice si Agnes sa kung saan, upang magamit niya ito sa kanyang palusot..
tino-torture pa niya ito nang biglang may naramdaman siya na ibang presensya doon sa bahay..
umalis si Alice upang i-check kung may iba pa ngang tao doon sa lugar, at nagkamalay naman si Agnes na handa nang lumaban sa kanilang Belladonna...
is
feeling , ano kayang kasunduan nina Camila at Iking..? posible pa kayang mabuhay si Camila...??
---o0o---
January 15, 2020...
[Piracy]
simula na naman ng panibagong campaign..
ang paglalabas ng kondisyon bago mag-release ng mga bagong projects..
mahirap na kalaban ang kasamaan ng mga tao..
pero kailangang subukan lahat ng paraan...
is
feeling , titingnan kung uubra ang apila...>
[TV Series]
The Killer Bride
may naka-white dress sa bahay na pinagkulungan kay Agnes..
bigla namang umuwi si Alice sa kanila nang tawagan siya ng kanyang anak...
minulto ni Camila si Agnes na naiwan na lang na mag-isang buhay doon sa bahay..
bugbog ang inabot ng kalaban dahil sa paulit-ulit na pagpapakita sa kanya ni Camila..
nabugbog siya dahil sa kaiiwas..
hanggang sa sinubukan niyang tumakas gamit ang bintana sa itaas na level nung bahay..
pero dahil bugbog na ang kanyang katawan eh nahulog na lang siya sa kanyang kamatayan..
isang kakaibang torture mula sa totoo na ngayon na Killer Bride..
unfortunately, wala ring makita na fingerprints ni Alice doon sa bahay after...
nagsisisi si Emma na hindi niya natulungan si Camila na makamit ang hustisya na kapalit ng mga sinapit nito noon...
nangako naman si Vito sa harap ng libingan ni Camila na hahanapin niya ang anak nilang si Vida, bagay na hindi na natapos gawin ng babae...
kumalat na ang balita tungkol sa pagkamatay ni Agnes, na itinuturing ng marami bilang ang Killer Groom..
galit na galit si Alice dahil hinahayaan nga niyang isipin ng mga tao na nagtatago ito..
mas nadagdagan pa ang kanyang galit nang malaman niya na wala na ang katawan ni Luciano sa huling lokasyon nito..
naisip niya tuloy na pakana iyon ni Vito upang gantihan siya...
sa kulungan..
muling nakiusap si Vito sa adoptive mother ni Emma na aminin na kung nasaan ang totoong Vida..
alam na niya na patay na si Agnes, pero batid niya kung sino ang mas mataas na kalaban..
kung si Camila nga daw ay napatay na rin, paano pa daw siya..?
dumating rin si Emma, at si Ponce...
na-reveal na yung plot ni Ponce..
bale hindi siya kalaban..
hinanap nila ang adoptive mother ni Emma, bilang nanay ito nung bata, at hindi dahil suspek ito sa pagsunog noon sa kulungan..
lulong pa rin ito sa ilegal na droga nang makita ito ni Ponce sa simbahan, kaya inutos ni Camila na tulungan muna ito na ma-rehab bago niya hayaan na magkasama na ulit ang 2..
kaso ay tumakas naman eventually ang adoptive mother ni Emma, kaya hindi na natuloy ang plano ni Camila para sa mag-ina..
na-touch at lalo namang nasaktan si Emma dahil sa revelation na iyon, na noon pa lang eh tinutulungan na pala sila ni Camila...
nag-investigate na rin si Luis tungkol sa kanyang ina na si Alice..
sinubukan niyang puntahan yung tito figure na nakausap na niya noon tungkol sa kanyang ina, kaso ay patay na rin pala ito..
car accident daw, habang pabalik ito noon galing sa Las Espadas..
so mukhang itinumba ni Alice ang naging butas sa kanyang mga palusot, at ang isa sa mga nakakaalam ng kanyang history...
naisipan ni Alice na gantihan ang bangkay ni Camila, dahil sa pagkawala ng kay Luciano..
nang biglang makita niya na bumaba ang mga sky lanterns ng kanyang mga naging biktima..
nakita niya ang kaluluwa ni Camila at ng sa iba pa..
hinabol siya ni Camila, pero na-realize ni Alice na hindi siya kayang physically atakehin ng kaluluwa ng kanyang in-law..
tinawanan niya ito, at saka siya tumakas...
nagdududa naman na si Emma tungkol sa kakayahan ng batas..
nagsisimula na siyang mag-isip na tulad ni Camila..
at sinubukan niyang hingin ang tulong ni Elias...
is
feeling , mas babaliwin na nila si Alice.. back to Act 1...
---o0o---
January 16, 2020...
[TV Series]
The Killer Bride
ulit ang mga routine mula umpisa, pero this time eh totohanan na...
nakita ni Emma ang kaluluwa ni Camila..
nag-sorry siya dahil ipinaramdam niya dito na galit siya hanggang sa ito ay mamatay..
muli namang humingi ng tulong si Camila sa kanyang anak-anakan upang siya ay makaganti..
at nagawa nga niyang saniban ang katawan ng dalagita...
napansin naman ng biyanan ni Alice na kakaiba ang ikinikilos niya..
desperado siyang humingi ng tulong sa kakilala ng matanda na isang expert sa mga pamahiin..
particularly pagdating sa mga pantaboy ng mga multo...
nais ni Luna na malaman kung sino nga ba ang mga totoo niyang magulang...
habang pabalik sa Las Espadas, may sumusunod sa sasakyan ni Luis..
at iyon pala ay ang kanyang ama na si Juan Felipe..
nag-imbestiga pala siya tungkol sa sindikato nina Luciano..
bilang ebidensya para sa mga awtoridad, iyon palang huling bahay na pinagtaguan sa bangkay ni Luciano eh property na siya ang bumili para sa pamilya niya..
ipinangalan niya iyon sa iba, pero alam ni Alice ang tungkol sa property na iyon..
nalaman niya ang tungkol sa naging relasyon nina Alice at Luciano..
at ni hindi na siya sigurado kung sino nga ba ang totoong ama ni Luis, pero nagmamalasakit pa rin siya dito bilang isang ama..
bago sila naghiwalay ay may kailangan daw munang malaman si Luis, pero pinutol na doon iyong eksena...
nakita ni Vito ang Emma na sinaniban ni Camila..
napansin nga niya ang pagkakatulad ng 2..
nasabi ng possessed Emma na ang pagkakamali nila noon eh masyado silang nagpakatao..
nagpa-sample rin siya ng kanyang paranormal ability nang ipinatilapon niya ang smartphone ni Vito nang biglang may tumawag dito...
patuloy naman ang pag-angkin ng adoptive mother ni Emma sa dalagita..
wala na daw makakaagaw kay Emma mula sa kanya..
napaisip tuloy si Vito tungkol sa naging pahayag niyang iyon...
pagkauwi ni Luis ay isinuplong na niya si Juan Felipe sa mga pulis..
naabutan naman niyang nagpapa-party ang kanyang ina para sa kanyang kaarawan, ideya na nauna na niyang tinutulan..
mabuti daw ang maingay ang sabi ni Alice, bilang pantaboy din sa mga multo...
dumating ang possessed Emma sa location at nag-cause siya ng electrical disturbance dahilan para mamatay ang mga ilaw..
pumasok si Alice sa mansyon upang kumuha ng baril..
hinahanap ng possessed Emma si Alice mula sa mga tao, sinubukan siyang paalisin ni Luis sa pag-aakala na si Emma pa rin ito..
pero sa halip ay naglabas na rin ng baril ang possessed Emma at itinutok ito kay Luis...
is
feeling , paranormal versus violence...>
[Piracy]
ang isa sa ayaw kong attitude ng mga pirate supporters..?
yung demolition job nila laban sa amin, na kesyo "you won't get my money"... :(
put*ng ina..
wala namang pumipilit sa kanila..
kung ayaw nila yung project, edi hindi nila kailangang asamin..
hindi yung todo bantay sila sa mga updates..
hindi yung ayaw nilang maglabas ng pera, pero kapag nandyan na yung project eh panay ang mga request nila na mag-leak kaagad ng libre...
mga hayop sila..
kung sila kaya ang sabihan sa trabaho nila na "you won't get the company's money"...?
seriously..?
hindi ba nila kayang isipin kung anong mangyayari sa project na inaabangan nila kapag nawala na yung artists...??
is
feeling , masyadong late yung 2017...
---o0o---
January 17, 2020...
[TV Series]
The Killer Bride
anak ang gustong kapalit ng possessed Emma, para sa inaakala niyang nawalang si Vida..
ginamitan niya ng paranormal ability ang mga guard para hindi makahadlang ang mga ito sa kanya..
nagpalipad siya ng kung anu-anong mga bagay na nasaksihan ng maraming tao...
samantala, muling pinuntahan ni Vito ang adoptive mother ni Emma..
c-in-laim niya na hindi nag-match ang DNA test para sa babae at kay Emma, samantalang ang sa kanilang mag-ama ang nag-match..
sa puntong iyon ay napaamin na ang adoptive mother ni Emma tungkol sa katotohanan..
pero ini-reveal naman ni Vito na wala naman talagang DNA test na naganap, at na hinuli lang niya sa salita ang babae..
at lumabas nga na takot lang talaga ang adoptive mother na mawala sa kanya ang batang kanyang inampon, higit pa sa takot niya sa Primo Diablo...
kumalat na ang balita tungkol sa pagsugod ng inaakalang si Emma sa mansyon ng mga Dela Torre..
iginiit naman ni Iking at ng tiyuhin nitong albularyo na si Camila na ang gumagawa ng mga bagay na iyon..
nabanggit ng albularyong tiyuhin na mas lumalakas ang galit na kaluluwa kung makakasanib ito sa katawan ng isang buhay na tao..
titigil lang daw ang naghihiganti na kaluluwa kung makukuha nito ang kanyang hinahangad...
sa loob ng mansyon, todo deny si Alice sa presence ng kanyang mga kapamilya tungkol sa mga paratang ng possessed Emma..
nagbanta na tuloy ang may sanib na uutusan niya ang kanyang mga tauhan na sunugin na ang bangkay ni Luciano..
napuwersa siyang lumabas, at si Camila ang kanyang nakikita kay Emma..
gamit si Luciano, ay napaamin rin nga ang Belladonna tungkol sa mga nagawa niyang krimen..
pero ipinagmalaki pa niya na mas umangat ang mga Dela Torre dahil sa pag-impluwensiya niya kina Juan Felipe at Luciano..
naamin niya rin na totoong anak ni Juan Felipe si Luis, bagay na pinanghihinayangan niya..
hanggang sa ginamitan na ng possessed Emma ng paranormal force si Alice..
natulak ito at natumba..
sa puntong iyon ay nakita na rin ng iba pang mga Dela Torre na si Camila nga ang kanilang kaharap...
sinubukan namang pigilan ni Elias si Emma mula sa labas ng mansyon..
medyo nagkamalay ang dalagita, at nagamit ni Alice yung pagkakataon upang makatakas..
dumating din si Juan Felipe na gustong protektahan si Luis, at tinulungan niya si Elias na makapasok sa mansyon gamit ang alternate na daan...
dumating na rin si Vito sa mansyon, at c-in-onfirm ng iba na totoong si Camila na ang may hawak sa katawan ni Emma..
nasukol ng possessed Emma si Alice sa isang silid..
sinakal niya ito gamit ang paranormal ability..
dumating sina Elias at Juan Felipe, pero nagamitan ng paranormal force ang dating Mayor at nawalan ng malay..
kinukumbinsi ni Elias si Emma na pigilan si Camila..
dahil dun ay nabaling ang galit ng multo sa humahadlang na si Elias..
hinabol siya nito, hanggang sa nakumbinsi niya si Emma na ihagis na ang baril, at kumalas na rin ang kaluluwa ni Camila mula sa kanya...
is
feeling , malapit na ulit maging mas maaga ang tulog ko...
---o0o---
January 18, 2020...
[TV Series]
The Killer Bride (Ending)
iginiit ni Camila na nangako si Emma na tutulungan siya nito..
pero nangatwiran ang dalagita na hindi sa paraan ng karahasan..
paano daw mananahimik si Camila samantalang kailangan pa niyang hanapin si Vida..?
nangako naman si Emma na siya na lang ang maghahanap sa nawawalang anak..
pero sa ngayon daw ay hindi ba pwedeng sapat na muna siyang anak para kay Camila...?
dumating si Vito at sinabi na kay Camila lahat ng mga natuklasan niya..
na si Vida ay walang iba kundi si Emma..
na noon pa man ay kasa-kasama na niya ang kanyang anak..
nanghinayang naman si Camila sa lahat ng panahon na nasayang niya para lang sa paghihiganti..
pero sinabi ni Emma na hindi niya kailangang patawarin si Camila, bagkus ay dapat pa niya itong pasalamatan..
dahil tinuruan niya ito para mapangalagaan ang kanyang sarili, katulad kung paano man niya pangangalagaan si Vida..
nangako si Vito na siya na ang mag-aalaga kay Emma..
nagbilin naman si Camila kay Emma na kalimutan na ang galit at ang lahat ng mga itinuro niya dito, sundin na daw nito kung anuman ang sinasabi ng kanyang puso..
after that ay nag-vanish na ang dark version ng kaluluwa ni Camila...
bigla namang sumulpot si Alice at namaril..
nasangga ni Vito ang bala na para sa kanyang anak..
nakahabol si Juan Felipe, pero natalo rin siya ni Alice..
nang biglang barilin ni Luis ang kanyang ina sa dibdib..
tinutukan ni Alice ng baril ang sarili niyang anak, at walang nagawa si Luis kundi patayin na ang kanyang ina..
pero bago namatay ay nakahingi pa naman ng tawad ang binata sa kanya..
nang ligtas na ang lahat, eh muling nagpakita ang light version ng kaluluwa ni Camila kay Vito, nagpa-makeup na ito...
sa balita..
mukhang nagkasundo ang lahat na palabasin na lang na si Alice ang nagsimula ng kaguluhan, bilang inamin na rin naman nito na siya ang Killer Groom..
resulta na rin daw iyon ng pang-aabuso na idinulot kay Alice noon ng kanyang sariling ama...
nakulong nga si Juan Felipe dahil sa kanyang mga krimen..
natanong ni Luis kung bakit hindi siya tumakas noong may pagkakataon siya..
at sinabi ng ama na gusto niyang ipakita na kaya na rin niyang magbago..
na-realize niya kasi na walang kwenta ang lahat kung nag-iisa lang siya sa buhay..
at sinabi niya kay Luis na hindi nito dapat i-base ang kanyang pagkatao sa kung ano ang kanyang mga magulang, dahil kaya niyang gumawa ng sarili niyang pagkatao...
muli namang nakakita si Iking ng mga pangitain..
ini-reveal sa kanya ng kaluluwa nina Belinda at Armando ang totoong nangyari sa original crime, sa tulong na rin ni Camila..
hindi pala suspek si Armando, dahil totoong nagmamahalan sila ni Belinda..
magtatanan na sana sila, pero nahuli sila ng pinsan ni Armando kung kanino naipangako si Belinda..
natalo ng pinsan si Armando, at saka nito ginahasa si Belinda..
ginusto nilang itama ang alamat ng sumpa, na kesyo hindi pwedeng magmahalan ang mga Dela Torre at ang mga Dela Cuesta..
ang alamat na naghati at nag-haunt sa Las Espadas..
dahil totoo naman ang kanilang naging pagmamahalan..
kaya hiniling ng 3 kaluluwa kay Iking na ipabatid sa mga taga-Las Espadas ang totoong version ng istorya ng 2...
patuloy naman si Luna sa paghahanap sa mga totoo niyang magulang..
at magkasundo na sila ni Emma...
naitama nga ang alamat sa isang event..
nagpasalamat ang lahat kay Camila para sa pag-uncover nito sa mga misteryo ng Las Espadas..
at peace ang naiwan niyang handog para sa lahat...
masaya si Emma na mas lumaki na ang kanyang pamilya..
nag-date sila ni Elias..
at sa di kalayuan ay pinagmasdan sila ng kaluluwa nina Camila at Fabio..
after that ay umalis na ang 2, na parang sigurado na sila na magiging maayos na ang lahat para sa kanilang mga iiwanan...
again..
medyo nag-match ulit yung ending sa Altagracia, kung saan namatay ang binansagang Killer Bride...
feeling , tragic, but well-justified ending...
No comments:
Post a Comment