aanhin niyo ba yang lahat ng mga buwis na gusto ninyong ipapasan sa mga mamamayan, lalo na para sa aming mga ordinaryong tao na hindi naman umaasa sa suweldo..?
sasayangin nyo na naman ba yun para sa non-intelligence fund..??
at ipangpopondo sa mga giyera kung saan kayo rin mismo ang nakakapatay sa mga kakampi ninyo...???
ang susuwerte ng mga uri ng mga Filipino na sinusuportahan ninyo..
yung mga pinapaboran ninyo..
pero paano naman kami..?
hindi nyo man lamang ba kayang maging patas para sa lahat, o kahit sa lahat lang ng hindi naman mayayaman...??
---o0o---
update ulit (100 na)..
medyo in-organize ko rin yung mga kaso..
una (untikan ko nang makalimutan 'to), ang pagtataksil sa interes ng bansa at ng mga (ibang) mamamayan (lalo na yung mga naging biktima), at pagbalewala sa kasaysayan at dangal ng bansa:
- ang pagpapalibing sa bangkay ng isang Diktador sa isang makabuluhang national cemetery
- yung pagbibigay ng permiso sa isang Imperyalistang nasyon (na lantarang nang-aagaw at nang-aangkin ng mga teritoryo) ng kalayaan para mag-explore sa teritoryo na posibleng mapagkunan sana ng mahahalagang resources ng bansa
- yung kagustuhan na kontrolin kung sinu-sino ang mga mamumuno sa mga Barangay hanggang 2020
are yung ang involved o semi-involved eh mga identified talaga bilang awtoridad:
- yung mga lalaking itinumba kahit na naka-posas na sa likod
- yung 4 year old daw na bata na nadamay sa pagpatay ng mga pulis sa tatay niya
- yung army reservist na pumatay ng lalaking naka-bike matapos ang road rage at matapos nilang magsuntukan sa kalye, tapos may nadamay pang isang sibilyan sa pamamaril niya
- yung OFW na dinakip sa checkpoint at naging biktima ng torture at pagpatay
- yung mga taga-Quezon na hinuli sa parang raid, pero wala palang record ang mga pulis ng naging operasyon na yun laban sa kanila, at may natagpuan na lang na mga sunog na bangkay na pinaghihinalaan na sa mga taong yun na pinagdadakip nga
- yung kaso nung Australian, kung saan hindi nag-match yung statements ng mga arresting officers kumpara sa naging kuha ng CCTV, at may alegasyon pa ng tangkang pangingikil (this happened sometime before the current administration)
- yung kaso involving Makati Police, kung saan inaresto ang isang OFW gamit ang gawa-gawa lang naman DAW na dahilan, at tinakot DAW na gagawing related sa ilegal na droga kung hindi magbibigay ang pamilya niya ng Php 500,000
- yung kaso ng pagpatay sa Regional Chairperson ng Citizens Crime Watch sa Oriental Mindoro, kung saan Police Senior Inspector at Inspector (police awardee pa yung isa) yung nahuling mga suspect, at may mga kagamitan talaga sila na pang-riding-in-tandem
- yung Mayor sa Mindanao at ang mga kasama niya na hinihinalang pinatay sa rubout
- yung pagkamatay ni Mayor Espinosa; nakakulong na, hinainan daw ng search warrant kahit na madaling araw na, nawawala ang kuha ng CCTV, at nakapanlaban daw
- yung mabilis na pagre-reinstate dun sa Marcos (pulis ng Region 8 na sangkot sa kasalukuyang kaso/istorya ng mga Espinosa) at tila pagiging 'maluwag' ng mga kinauukulan sa iba pang pulis na involved
- yung patuloy na pagkampi sa mga pulis ng Region 8, matapos ang findings na murder nga DAW yung ginawa nila laban kay Mayor Espinosa, hindi pa man sila napaparusahan pero may nakapangako na kaagad na absolute pardon para sa kanila
- yung kidnapping ng isang civilian last October daw na nakunan ng CCTV, na ang sangkot ay mga pulis na hindi naka-uniform
- yung kaso sa Lemery, Batangas kung saan may claim na nauna (higit na mas maaga) daw hinuli yung mga drug suspects nang mga naka-civilian na pulis na wala namang dalang warrant, pero hapon na noong kuhanan ng mga pictures at inventory na may kasama ng mga ebidensiya laban sa kanila
- yung pagpatay ng isang pulis sa lalaking nanlaban DAW matapos mag-amok sa isang bangko sa Laguna na nakunan naman ng CCTV camera
- yung pamamaril ng isang lasing na pulis sa Misamis Oriental na ikinasugat ng 4 na katao
- yung nakainom na pulis sa Negros Occidental na namaril din at nakapatay
- yung ginawang pananampal at panggugulpi ng isang sundalo sa isang bar sa Isabela, supposedly eh naka-duty daw siya, at nanggulo DAW doon dahil gusto ng nude dance/show
- sa Sorsogon, yung pangho-holdap ng isang sundalo sa isang remittance center, na supposedly eh naka-duty rin siya during that time
- yung pulis na nambugbog ng makulit na matandang lasing, at inilagay pa niya sa paso ang batas
- sa Negros Oriental, yung pulis na nakunan ng video habang pinatapat ang tenga ng isang sibilyan sa muffler habang pinapaandar yung motorsiklo
- yung pulis sa Sta. Mesa na namaril ng sibilyan na binu-bully DAW nito parati at sinaktan pa bago yung insidente, matapos na rumesbak yung biktima na may dalang bato at itak
- yung buy-bust operation DAW sa Caloocan, na ginawa ng mga naka-sibilyan na naka-hood at mga naka-maskara at hindi na mga pulis, na natunugan DAW, kung saan 2 magbiyenan na drug-related suspects ang napatay sa loob ng kanilang pamamahay
- yung napatay na 17 y/o sa Caloocan City na hindi naman target pero nadamay daw sa ginawang buy-bust operation, nakita daw siya na may baril kaya pinatay na
- sa Maguindanao, yung 2 bata na edad 6 at 10 daw na nadamay at napatay sa ginawang anti-illegal drugs operation sa kanila, kung saan nasugatan rin daw yung 2 pa nilang mga bata rin na mga kapatid
- yung pulis na namaril ng kapwa pulis sa Lipa City
- sa Pasay City, yung miyembro ng army na nakainom, nagwala, at nakipagbarilan pa sa mga pulis
- yung pulis na ng rape ng sibilyan sa Calamba City, na ginamit DAW yung pagka-pulis niya para kunwari ay magpapatulong lang dun sa biktima
- yung pulis na binaril yung menor de edad na isinasama lang DAW niya
- yung pulis Mandaluyong na aksidenteng nakabaril sa Nasugbu, Batangas dahil DAW ipinagmamalaki niya yung baril na na-issue sa kanya
- yung SAF na nambugbog ng traffic enforcer sa Bacolod matapos siyang masita na nagawa niyang traffic violation
- sa Dumaguete, yung 5 pulis (hindi naman naka-uniporme o naka-duty) na nambugbog DAW dahil sa isang basketball game
- yung nakunan ng CCTV na pulis (na naka-sibilyan) na nanggulpi ng lalaki na sinubukan na DAW humingi ng tulong sa mga pulis sa isang presinto ng QCPD, ikinulong pa nila yung lalaki at ipinaako DAW sa kanya lahat ng pagkakamali, at dahil yun sa away-trapiko pa rin
- sa Manila, yung naka-AWOL na pulis na nagpaputok daw ng baril at nakatama ng 2 menor de edad, at nanapak pa daw
- sa Antipolo City daw, yung jeepney driver na pinatay daw ng isang pulis Maynila dahil lang sa away-trapiko
- sa Cabanatuan, yung 2 pulis na naka-droga na namaril at pumatay ng 2 katao, na ikinasugat ng 1 pa
- yung CCTV footage na ibinigay kay Senator Lacson, na nagpapakita kung paanong tinaniman ng mga pulis DAW ng ebidensya ang isang opisina, tapos ay saka ni-raid yung lugar
- yung na-hulidap na Korean, na nahingan na nga ng ransom yung pamilya, pero pinatay pa rin talaga yung biktima sa loob pa mismo ng kampo ng mga pulis
- yung mga South Korean na na-hulidap sa Pampanga, na nakunan ng CCTV, na hinuli gamit ang alibi na sangkot sila sa illegal online gambling, na ilang oras ikinulong sa police station at pinakawalan lang matapos magbigay ng pera
- sa Quezon City, yung 4 na pulis na nahuli dahil sa kaso ng kidnapping at extortion, isang lalaki at yung kasintahan niya ang naging mga biktima
- yung nangyaring saksakan at patayan ng mga high profile inmates sa loob ng Bilibid kahit na pinataas na DAW yung seguridad doon at mga SAF pa ang nagbabantay
- yung panibagong kaso DAW ng VIP treatment para sa mga high profile inmates na lumabas sa balita nitong February 2017
- yung maramihang pagsibak sa mga pulis sa Parañaque dahil DAW sa mga kaso ng pangongotong
- sa Ilocos Norte, yung 2 pasaway na pulis, na naka-off na daw sa duty, pero nahuli namang nag-iinuman sa kanilang presinto
- ang patuloy at malaking bilang ng mga pulis na lumalabas na positibo sa paggamit ng ilegal na droga through drug test (ang isa sa butas ng laban kontra sa ilegal na droga)
- sa Las Piñas, yung opisyales na pulis na related sa PNP Crime Laboratory na nahuling gumagamit ng ilegal na droga sa isang drug den
- yung PO1 na sangkot daw sa ilegal na droga at miyembro rin daw ng sindikato
- yung 3 sundalo DAW na nahulihan ng mga drug paraphernalia sa Cebu City
- sa Catanduanes, yung nagbitiw na pulis na umamin na totoo DAW ang pagtatanim ng mga ebidensya at extrajudicial killings
- sa Bacolor, Pampanga, yung government employee na biktima ng tanim-droga ng mga pulis at mga miyembro ng PDEA, yung hindi nagtugma yung written report sa kuha ng CCTV
- sa Manila, yung 4 na senior citizen na naging biktima rin DAW ng tanim-droga at tanim-bala ng mga pulis, may kuha ng CCTV tungkol sa kuwestiyonableng operasyon nung mga pulis eh, namatay pa yung isang matanda sa loob ng kulungan
- yung babaeng biktima daw ng tanim-droga teknik ng 11 Pulis Malabon
are naman yung mga hindi pa malinaw kung anong klase nga ng mga tao ang involved o hindi tiyak o nabanggit kung sino ang nakatama:
- yung honor student na choir member na ginamitan ng karatula
- yung 5 year old daw na bata na nadamay sa tangkang pagpatay ng mga hindi kilalang tao sa lolo niya
- yung 5 year old na taga-Pasay na napatay habang natutulog dahil nadamay sa pagpatay sa tatay niya na siya daw target nung hindi nakilalang tao
- yung pagkamatay ng bagong binyag na bata (na tinamaan ng ligaw na bala) sa Bulacan dahil nadamay sa pagpatay sa kanyang ninong na involved DAW sa droga
- yung pagkadamay at pagkapatay sa isang manliligaw sa Quezon City dahil involved daw yung nililigawan niyang babae sa ilegal na droga
- yung kaso sa NCR kung saan nadamay at natamaan ng bala ang isang sibilyan dahil sa paghahabulan ng mga pulis at ng isang suspek
- yung 2 sibilyan sa Laguna na nagsisimbang-gabi lang sana, na nadamay (napatay yung batang babae) sa pamamaril ng mga hindi pa nakikilalang mga suspek sa isang barangay tanod na related din daw sa ilegal na droga
- yung tila 2 grupo ng tao na napatay sa Caloocan City, na either drug related daw yung isang grupo kung kaya't nadamay sa tumbahan yung mga miyembro daw ng frat, o dulot ng frat war na ang nadamay naman eh yung ilang drug related personalities
- sa Caloocan, yung mag-live in partner na pinatay daw ng mga taong nagpakilala na mga pulis
- yung 14 y/o na dalagita na nadamay sa pamamaril ng mga taga-tumba sa target nilang drug-related personality daw, sa Caloocan yata yun
- sa Caloocan, yung 5 y/o na bata na nadaplisan ng bala dahil sa nangyaring tumbahan sa isang hinihinalang drug den, kung saan may mga napatay rin
- hindi ko nakuha yung lugar, pero yung kaso kung saan may 1 napatay at 6 na nadamay sa pamamaril daw sa isang dating nagbebenta ng shabu
- sa Tondo, yung 14 y/o na dalagita na natamaan sa mata at napatay ng ligaw na bala mula sa pamamaril ng riding-in-tandem, namaril DAW para takutin yung may pagkakautang sa kanila sa ilegal na droga eh
- sa Makati, yung mga lalaking naka-uniporme daw ng pang-pulis na nakuhanan ng video habang nananakit DAW ng isang babae, may tutukan pa DAW ng baril na nangyari
- yung Japanese na negosyante na mukhang planadong itinumba habang nasa bansa
- sa Tondo, yung taxi driver, na kolektor daw na asset ng mga pulis, na itinumba ng riding-in-tandem, kaso ay tumagos pa yung bala sa ulo nito kaya may babaeng nadamay at natamaan din
heto naman yung mga may kinalaman sa kahinaan ng kasalukuyang penal system at pagpapatupad ng iba pang mga batas at patakaran sa bansa:
- sa Pasay, yung target ng buy-bust operation na nakapatay at nakasugat ng mga pulis, grupo sila eh, at yung main target daw ay marami ng record ng krimen pero talagang nakakalaya pa rin
- sa Siquijor, yung 2 babaeng estudyante na napatay sa pananaksak ng isang lalaki ng naka-droga at lasing din daw noon, according sa istorya ay may iba sana siyang papatayin dahil natakot siya na isuplong siya tungkol sa paggamit niya ng ilegal na droga, kaso ay ibang mga inosenteng tao yung napaglabasan niya ng kanyang kasamaan
- regarding sa pag-determine ng edad na pasok sa criminal liability, yung pulis sa Dipolog na ginulpi ng mga kabataan at untik nang mapatay matapos niyang umawat lang sa rambulan ng mga ito
- sa Tondo, yung nakunan sa CCTV na rambulan ng mga kabataan sa gabi, kung saan makikita na nagpapaputok ng baril yung isa at nanuntok pa yung isa ng umaawat lang daw sa kanila, butas pa rin ito sa sistema ng pag-regulate sa mga baril at sa pag-determine ng edad kung kailan may pananagutan na ang mga mamamayan sa batas
- regarding sa batas trapiko, yung 2 lola na parehong namatay matapos mabangga ng humaharurot na tricycle habang tumatawid sila sa pedestrian lane
- dahil pa rin sa kawalan ng kontrol sa mga armas, sa Cavite, yung lalaki na hinuli at dinala sa isang motel at balak i-hulidap ng mga lalaking nagpanggap na miyembro ng PDEA at PNP
- yung lalaking binaril ng isang motorcycle rider na posibleng dahil lang DAW sa naharangan niya ito sa kalsada
- ang naging pag-atake sa Resorts World Manila
- sa Dasmariñas, Cavite, yung ikinulong nang dahil sa sakla, na pinatay ng mga nakasama nitong preso habang nakaposas siya
- sa Lanao del Norte, yung bilanggo na pinatay sa loob ng kulungan ng mga kakosa niya
- yung sikretong kulungan na nadiskubre ng CHR sa isang station ng MPD
- yung kagustuhan ng kasalukuyang DTI na ibigay na sa mga negosyante at/o mga kompanya ang kakayahan na i-regulate ang suggested retail price (SRP) para sa mga produkto nila
- yung pagkampi ng Supreme Court sa photobomber
- yung pagkabasura ng Commission on Appointments sa pagtatalaga kay Lopez bilang secretary ng DENR na obvious naman na iginapang
- yung sapilitang pangunguha ng mga miyembro DAW ng Kadamay ng mga housing projects sa iba't ibang lugar, at ang pagkunsinti sa kanila ng gobyerno
- ang kakayahan ng mga miyembro ng mga teroristang grupo na mapakawalan o makatakas pa sa kamay ng batas
- yung naging pagsabog sa Quiapo na nakasugat ng nasa 14 na katao daw, at nangyari yun kung kailan supposedly eh mataas ang seguridad sa bansa lalo na sa NCR
- sa Pandacan, yung 7 buwan na sanggol na nagtamo ng 3 tama ng baril dahil sa isinagawang anti-illegal drugs operation sa kanilang lugar
- follow up para sa 7 months old na sanggol news, hindi pala nagkusa yung mga pulis na imbestigahan kung sinu-sino nga ang totoong nakabaril doon sa bata, at may claim pa na diniktahan lang daw para pumirma sa affidavit yung lola nito
- yung kuwestiyonableng naging kahinaan ng seguridad sa Marawi sa kabila nang patuloy na pagkilos ng mga terorista sa Mindanao, sa kabila ng patuloy na mga bantaan mula sa magkabilang panig, at sa kabila ng pagkakaroon ng malaking halaga ng intelligence fund
- yung pagkatumba sa 4 na suspected na miyembro ng Maute habang ibinabiyahe sila, ito ay sa kabila nang may ipinapatupad ng Martial Law sa region na yun
- yung lalaking napagkamalan daw na miyembro ng Maute at hinihinalang t-in-orture ng mga sundalo
at may kaso na iba-iba ang kategorya:
- yung pagkamatay ng isang 9 year old na bata, na pinaghihinalaang pinatay ng mga menor de edad; na natagpuan yung bangkay na nakagapos ang mga kamay, na binugbog daw, pinutulan ng mga daliri, at may hiwa pa sa tiyan
- yung pagsu-suicide daw ng isang Director Villa ng ERC dahil sa katiwalian sa trabaho nila
- isama na rin yung pagkalat ng mga fake news at paid trolls sa social media
- ang maya't mayang pagpapalabas ng fake news o mind-conditioning news ng mismong mga nasa katungkulan
- yung Oplan Cyber Tokhang
- yung mga sundalo sa Marawi na napatay sa sarili nilang air strike na laban sana sa mga terorista
- yung isa pang air strike na sa labas naman daw ng Marawi nangyari
---o0o---
June 10, 2017...
ano ba yan..?
pati suspected members ng Maute eh itinutumba na rin..
siguro ibig sabihin ay may nalalaman nga silang mahahalagang impormasyon tungkol sa nangyayaring giyera..
at siguro ibig sabihin ay mayroon talagang mas malakas na grupo sa likod ng Maute...
at talagang inuulit-ulit pa rin ng awtoridad ang kanilang mga pagkakamali..
kundangan kayong mga!
manood nga kayo ng movies nang makabisado ninyo yung teknik..
maalin lang yun sa itinutumba o sinasagip ang mga bigating kriminal na nahuhuli...
alam nyo nang posibleng related sila sa Satanistang grupo, pero ano..?
ibiniyahe nyo na naman gamit ang sasakyan na hindi armored, at talagang yung open pa..
sana sa armored van na lang sila isinakay, tapos ay tinadtad na rin ng escorts, tangke kung naaari...
ang magiging tanong kasi sa kaso na yun ay:
paano nalaman ng mga tagatumba kung saan, kailan, at paano ibabiyahe yung mga suspected na Maute..?
sino-sino lang ba sa hanay ng awtoridad ang nakakaalam ng tungkol sa mga ganung klase ng impormasyon..?
ano yun, may intelligence fund rin ang mga tagatumba o may espiya sila sa hanay ng mga awtoridad..?
at bakit nga ganun lang ang level ng security para sa kanila...?
was
feeling , mga terorista na ang kalaban pero nasa ganyang level pa rin kayo..? pero gaano nga kaya kalakas ang grupo na nasa likod ng mga Satanista...?
---o0o---
June 12, 2017...
mga bayani na naman...?
napakalupit na pampalubag ng loob..
basta namatay sa digmaan, bayani na kaagad..?
samantalang mas kokonti lang sana siguro yung nagbuwis ng buhay kung totoo nga na may intel na sila bago pa man nangyari yung pananakop at kung ginamit lang sana nila yun..
medyo mas marami pa rin sana ang miyembro ng kapulisan at kasundaluhan ngayon kung nagawa lang sana nila yung tama...
nakakalungkot lang na namatay nga ang mga taong yun..
at mas nakakalungkot yung nangyari sa mga sundalo na nabomba ng mismong mga kakampi nila..
mga giyera na naiwasan naman sana kung hindi dahil sa kapabayaan ng sarili rin nilang mga kahanay...
was
feeling , bakit nga ba nagdiwang pa sila ng Araw ng Kalayaan ngayon...?>
oo nga pala..
kanina ko lang na-realize..
hindi gumagana yung Martial Law ninyo...
may Martial Law na pero naitumba pa rin yung mga suspected Maute members sa ibang bayan..?
samantalang buong Mindanao nga ang sakop ng ipinatupad na Batas Militar..
wala akong pakialam sa human rights nila, pero mukhang mahalaga kung anuman yung mga nalalaman nila - na hindi na makukuha mula sa kanila dahil nga mga patay na sila ngayon..
may mali talaga sa Martial Law ninyo...
at tsaka bakit kina-classify na mga rebelde yung mga Satanistang yun..?
mukha namang hindi anti-government yung mga ipinaglalabanan nila..
eh ubusin ang lahat ng hindi nila kauri ang gustong mangyari ng mga yun eh..
hindi ba pwedeng mag-stick na lang sa terms na terrorists at terrorism...??
was
feeling , panay ang puna ninyo sa security ng Resorts World, samantalang halos ganun rin naman yung mga kakulangan na ginagawa ninyo...
---o0o---
June 14, 2017...
update doon sa kaso nung 7 months old na baby na 3 beses tinamaan ng mga bala ng baril...
ang gagaling nga pala ng mga pulis dun..
nagkabarilan daw, napatay nila yung suspek, lahat ng yun habang na-hostage daw nung tao yung baby..
pero bakit hindi nila naging initiative na imbestigahan kung kani-kanino ngang mga bala yung tumama dun sa kawawang bata...?
kesyo nagbigay daw ng affidavit yung lola na yung suspek lang naman ang nakabaril dun sa sanggol..
bakit, ano ba yung lola na yun, automatic-SOCO na nakita nang malinaw kung kanino ngang mga bala yung tumama sa katawan nung bata..?
eh samantalang ni wala ngang tao na kayang makakita ng gumagalaw na bala na dulot ng pagpapaputok ng baril...
ang masama pa nito..
may claim na ngayon yung matanda na pinilit lang daw siyang gumawa o lumagda doon sa affidavit na yun...
was
feeling , para lang talaga sa accomplishment...?>
ang tatalino talaga ng mga nasa gobyerno..
una, yung mga produktong may asukal..
ngayon naman yung mga may asin...
kung mamamatay ang mga tao sa pagkonsumo ng asukal o asin, dapat hayaan nyo na lang..
eh sa kabilang sa mga tina-target ninyong mga produkto yung mga kaya lang naming bilhin na mahihirap eh..
junk foods at instant noodles..?
puta pang-ulam na yun para sa amin eh..
kesa naman papatayin nyo kami dahil sa magdo-domino effect na yang pagpapataas ninyo sa mga buwis...
kung talagang inaalala ninyo ang kalusugan ng mga mamamayan, edi unahin nyo munang pababain ang presyo ng mga healthy foods na ipinagmamalaki ninyo...
was
feeling , silent genocide...
---o0o---
June 16, 2017...
in fairness kay Senator Villar, parang wala namang masama sa naisip niyang ideya...
sa pagkaintindi ko kasi, yung promo lang naman ng mga unli-rice yung gusto niyang ipagbawal..
bilang paraan ng pag-discourage sa malakas na pagkonsumo ng bigas (considering na 1 cup lang naman talaga yung suggested)..
again, sa tingin ko naka-focus yung ideya dun lamang sa konsepto ng mga promo sa mga establishments o kainan sa halip na sa mismong pagbili ng kanin...
sa tingin ko hindi naman apektado doon yung mga taong wala talagang makain, o yung nagtitiis lang sa kanin at asin, dahil parang hindi rin naman nila para ma-avail yung mga unli-rice promo na yun..
pero hindi ko rin nga masabi, kasi hindi naman ako kumakain sa labas..
mahirap lang ako kaya sa bahay na lang ako kumakain...
pero para sa kagaya ko eh hindi nga okay kung yung mismong pagkain na ng kanin yung ire-regulate..
ako kasi eh mga nasa 3 tasa ng kanin yung kinakain ko for lunch at dinner..
kasi kailangan kong i-consider na wala naman masyadong pang-ulam..
at considering rin na hindi naman ako kumakain ng merienda sa umaga at sa hapon..
kaya malaki ang naitutulong nung maraming kanin para maibsan yung gutom para sa buong araw...
was
feeling , basta huwag lang nilang tataasan rin ang buwis ng bigas, kundi ay ibang usapan na yun...>
BDO naman ulit yung may mga pag-atake ngayon sa ATM accounts nila...
was
feeling , alin ba talaga ang mapagkakatiwalaan...?>
sa Tondo..
yung taxi driver yata yun na itinumba at binaril sa ulo...
kaso tumagos daw yung bala at nakatama pa ng isang babae na naroon rin sa lugar noong mga oras na yun...
according sa anak nung napatay ay kolektor daw ang tatay niya ng mga pulis para sa mga pasugalan..
according naman sa mga pulis ay asset nila yung biktima...
was
feeling , untik na namang maging purong collateral damage...
No comments:
Post a Comment